Photo: Ayazhan (https://www.pexels.com/@ayazhan-3173683) / Pexels
شىمكەنتتىك جۋرناليسكە پارا ۇسىنعانداردىڭ ۆيدەوسى جاريالاندى: «ەكى كامەرا قويىپ ەدىم، الماي قويدى»
شىمكەنتتىك جۋرناليست اراي ەسەنبەككە قاتىستى جاڭا بەينەجازبا الەۋمەتتىك جەلىدە تاراپ، جۇرتشىلىقتىڭ نازارىن اۋداردى. كادرلاردا ونى ادەيى ارانداتۋ ارەكەتى بولعانى انىق بايقالادى: بىرنەشە ادام جاسىرىن كامەرا ورناتىپ، جۋرناليسكە قوماقتى اقشا ۇسىنعان.
بۇل تۋرالى Infohub.kz اقپارات اگەنتتىگى حابارلايدى.
پارا ۇسىنىلدى، ءبىراق جۋرناليست قابىلدامادى
ۆيدەودا جاننا بايسەيىتوۆا مەن مەيىربەك تولەبايەۆ ەسىمدى ازاماتتاردىڭ قارا سومكەگە سالىنعان اقشانى جۋرناليستكە ۇسىنعانى كورىنەدى. الايدا، اراي ەسەنبەك بۇل ۇسىنىستى بىردەن قابىلداتپاي، اقشادان باس تارتتى. ول ءوز ۇستانىمىن ناقتى جەتكىزىپ، «سومكەڭە سالىپ قوي، مەن المايمىن» دەپ جاۋاپ بەرگەن.
ارانداتۋ ارەكەتىنىڭ ءمان-جايى
سويلەسۋ بارىسىندا مەيىربەك تولەبايەۆتىڭ سىرتقا شىعىپ، باسقا ادامدارعا «ەكى كامەرا قويىلعانىن» جانە جۋرناليست اقشانى الماعانىن ايتقانى دا جازبادا كورىنىس تاپقان. بۇل جاعداي ءجۋرناليستىڭ ادەيى ارانداتىلعانىن مەڭزەيدى.
ايتا كەتەيىك، بۇعان دەيىن 24 ساۋىردە سوت شەشىمىمەن اراي ەسەنبەك 5 جىلعا باس بوستاندىعىنان ايىرىلعان بولاتىن.
ءجۋرناليستىڭ بۇرىنعى قىزمەتتەرى
اراي ەسەنبەك بۇعان دەيىن ءتۇرلى مەديا سالالارىندا ەڭبەك ەتكەن. ول «حابار» اگەنتتىگىندە، «وڭتۇستىك» تەلەارناسىندا (بۇرىنعى «قازاقستان-شىمكەنت»)، «31 ارنادا» جانە «ازاتتىق رۋحى» باسىلىمىندا ءتىلشى قىزمەتىن اتقارعان. 2020 جىلى شىمكەنت قالاسى اكىمىنىڭ باسپا ءسوز حاتشىسى بولىپ تاعايىندالىپ، كەيىن قالالىق اقپاراتتىق كوممۋنيكاسيالار ورتالىعىن باسقاردى. سوڭعى قىزمەتتەرىنىڭ ءبىرى – «Amanat» پارتياسىنىڭ شىمكەنت قالاسى ءال-فارابي اۋداندىق فيليالىنداعى اتقارۋشى حاتشى لاۋازىمى.
-
نا تراسسە م-32 ۆ رايونە ۋرالسكا پرويزوشلو چاستيچنوە وبرۋشەنيە موستا چەرەز رەكۋ چاگان. دۆيجەنيە ترانسپورتا وگرانيچەنو.
-
A video has surfaced showing an attempt to bribe Shymkent journalist Aray Esenbek، who firmly rejected the offer and exposed the provocation.
