tengrinews.kz
سي سزينپين قىتايدىڭ ۋكرايناداعى سوعىسقا قاتىستى "پرينسيپيالدى" ۇستانىمىن مالىمدەدى
جۇڭگو حالىق رەسپۋبليكاسىنىڭ ءتوراعاسى سي سزينپين ۋكرايناداعى سوعىستى توقتاتۋ جولدارى تۋرالى قىتايدىڭ "پرينسيپيالدى" ۇستانىمىن مالىمدەدى. بۇل تۋرالى ول گەرمانيا كانسلەرى فريدريح مەرسپەن كەزدەسۋىندە ايتتى.
سي ءسزينپيننىڭ ايتۋىنشا، بەيبىت كەلىسسوزدەرگە بارلىق تاراپتار تەڭ دارەجەدە قاتىسۋى ءتيىس. سونداي-اق، ول بارلىق تاراپتاردىڭ زاڭدى الاڭداۋشىلىقتارىن ەسكەرىپ، بەيبىتشىلىككە دەگەن ەرىك-جىگەردى كۇشەيتۋ قاجەتتىگىن اتاپ ءوتتى. بۇل تۋرالى جۇڭگو سىرتقى ىستەر مينيسترلىگىنىڭ باسپا ءسوز قىزمەتى حابارلادى.
جۇڭگو باسشىسى حالىقارالىق جاعدايدىڭ ەكىنشى دۇنيەجۇزىلىك سوعىستان كەيىنگى ەڭ كۇردەلى وزگەرىستەرگە ۇشىراپ جاتقانىن ايتتى. ونىڭ پىكىرىنشە، سوعىستى اياقتاۋدىڭ كىلتى – ديالوگ پەن كەلىسسوزدەردى جالعاستىرۋ.
گەرمانيا كانسلەرى فريدريح مەرس بولسا، سي ءسزينپيندى رەسەيگە ىقپال ەتىپ، ماسكەۋدى ۋكرايناداعى سوعىستى توقتاتۋعا كوندىرۋگە شاقىردى. مەرستىڭ ايتۋىنشا، پەكيننىڭ سيگنالدارى ماسكەۋدە ۇلكەن ماڭىزعا يە.
بۇعان دەيىن اقش-تىڭ ناتو-داعى ەلشىسى مەتيۋ ۋيتاكەر دە بەيجىڭنىڭ رەسەيگە ءبىر عانا قوڭىراۋ شالۋ ارقىلى سوعىستى اياقتاۋعا ىقپال ەتە الاتىنىن مالىمدەگەن بولاتىن.
ۋكراينا پرەزيدەنتى ۆلاديمير زەلەنسكيي بولسا، قىتايدىڭ ازىرگە رەسەيدىڭ ۋكرايناعا قارسى سوعىسىن توقتاتۋعا قىزىعۋشىلىق تانىتپاعانىن ايتقان ەدى.
-
كوللەكتيۆ گوسۋدارستۆەننوگو پرەدپرياتيا ۆ اكتاۋ ۆىستۋپيل پروتيۆ سمەنى رۋكوۆودستۆا، ترەبۋيا ۆوسستانوۆلەنيا ديرەكتورا نا دولجنوستي.
-
Chinese President Xi Jinping emphasizes the need for equal participation of all parties in peace talks to resolve the conflict in Ukraine.
