InfoHub Logo

الماتىدا سيرەن گ ۇلىنىڭ ماۋسىمى باستالدى. الايدا، الەۋمەتتىك جەلىدە سيرەندى ۇزۋگە تىيىم سالىنىپ، ايىپپۇل مولشەرى 200 مىڭ تەڭگەگە دەيىن جەتۋى مۇمكىن دەگەن اقپارات تاراپ، قىزۋ تالقىلاۋعا سەبەپ بولدى. بۇل تۋرالى Stan.kz اقپارات اگەنتتىگى حابارلايدى.

جەلىدەگى جازبا اۆتورىنىڭ ايتۋىنشا، سيرەن بۇتاقتارىن سىندىرۋ اعاشقا زيان كەلتىرىپ قانا قويماي، يەسىنە ايىپپۇل تولەۋگە ماجبۇرلەيدى. بۇل پىكىر كوپشىلىكتىڭ قىزۋ تالقىلاۋىنا ۇلاستى.

سيرەندى كۇتۋ جانە زاڭ تالاپتارى

كەيبىر پايدالانۋشىلار سيرەندى كەسۋدىڭ ونىڭ وسۋىنە پايدالى ەكەنىن، ءبىراق ونى دۇرىس جاساۋ كەرەكتىگىن ايتتى. ال ەندى بىرەۋلەر بۇرىن مۇنى ءتىپتى پايدالى دەپ ساناعانىن جەتكىزدى. الايدا، زاڭناماعا سايكەس، ق ر اكىمشىلىك قۇقىق بۇزۋشىلىق كودەكسىنىڭ 338-1-بابىندا اعاشتار مەن بۇتالاردى زاڭسىز كەسۋ، جويۋ نەمەسە ءبۇلدىرۋ ءۇشىن جاۋاپكەرشىلىك قاراستىرىلعان. جەكە تۇلعالارعا بۇل ءۇشىن 50 اەك كولەمىندە ايىپپۇل سالىنادى. 2026 جىلعى ەسەپتەۋ بويىنشا بۇل شامامەن 216 250 تەڭگەنى قۇرايدى.

ياعني، ەگەر سيرەن قالا اۋماعىندا – اۋلادا، ساياباقتا نەمەسە كوشە بويىندا وسسە، ونى ۇزۋگە بولمايدى. ال جەكە مەنشىك اۋماقتاعى گۇلدەرگە قاتىستى جاعداي باسقاشا. مۇندايدا يەسى شىعىندى ءوزى باعالاپ، وتەماقى تالاپ ەتە الادى.

بۇعان دەيىن قازاقستاندىقتاردىڭ قىزىل كىتاپقا ەنگەن جابايى قىزعالداقتاردى جۇلۋ ءۇشىن 13 ميلليون تەڭگەگە دەيىن ايىپپۇل تولەۋى مۇمكىن ەكەنى حابارلانعان بولاتىن.