tengrinews.kz
سوترۋدنيك پوليسيانىڭ ايەلىن ۇردى دەگەن ءىسى توقتاتىلدى
الماتى قالاسىنداعى اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتىندا بۇرىنعى ءانشى راحات تۇرلىحانوۆقا قاتىستى ءىس قارالدى. بۇل ءىس وتباسىنداعى جانجالدان كەيىن قوزعالعان بولاتىن.
بۇل تۋرالى Infohub.kz اقپارات اگەنتتىگى حابارلايدى.
سوت وتىرىسىنىڭ باسىندا ادۆوكات ءىستى جابىق رەجيمدە قاراۋدى سۇرادى، الايدا سوت بۇل ءوتىنىشتى قاناعاتتاندىرمادى. قورعاۋشى تاراپ جۇبايلاردىڭ تاتۋلاسقانىن جانە بىر-بىرىنە شاعىمى جوق ەكەنىن ايتىپ، ءىستى توقتاتۋدى تالاپ ەتتى. ادۆوكاتتىڭ ايتۋىنشا، زورلىق-زومبىلىق بولماعان، جانجال وتباسىلىق كەلىسپەۋشىلىكتەرگە بايلانىستى تۋىنداعان.
سوتتا تۇرلىحانوۆتىڭ ايەلى كۇيەۋىنىڭ ءوزىن ۇرىپ-سوقپاعانىن جانە قورلاماعانىن مالىمدەدى. ونىڭ سوزىنە قاراعاندا، ولار تەك اجىراسۋعا بايلانىستى سوزگە كەلگەن. تۇرلىحانوۆتىڭ ءوزى دە ارالارىندا ۇرىس بولعانىن راستاپ، ءبىراق كۇش قولدانباعانىن اتاپ ءوتتى.
وسىدان كەيىن پروكۋرور ءىستى توقتاتىپ، ماتەريالداردى قوسىمشا تەكسەرۋگە جىبەرۋدى ۇسىندى. سۋديا بۇل شەشىمدى قولداپ، ق ر اقبتك-نىڭ 73-بابى («وتباسى-تۇرمىستىق قاتىناستار سالاسىنداعى قۇقىققا قارسى ارەكەتتەر») بويىنشا قوزعالعان ءىس توقتاتىلىپ، مەدەۋ اۋدانىنىڭ پروكۋرورىنا قوسىمشا تەكسەرۋ ءۇشىن جىبەرىلدى.
سوتتىڭ حابارلاۋىنشا، ءىستىڭ قوزعالۋىنا باستاپقىدا جابىرلەنۋشىنىڭ قۇقىق قورعاۋ ورگاندارىنا جۇگىنگەن كەزدە دەنە جاراقاتىن العانى تۋرالى بەرگەن ارىزى نەگىز بولعان.
سوت قاۋلىسى زاڭدى كۇشىنە ەنگەن جوق.
-
پروكۋرور راسكرىل دەتالي دەلا يزۆەستنىح بلوگەروۆ ەربولاتا جانابىلوۆا ي ەلميرى تولەگەنوۆوي، وبۆينياەمىح ۆ نەزاكوننوم بيزنەسە ي وتمىۆانيي دەنەگ.
-
A domestic dispute case involving former singer Rahat Turlikhanov has been dismissed by a court in Almaty after reconciliation between the parties.
