Tengrinews.kz
سوتتالۋشى سۇلتان سارسەمالييەۆ: «مەنىڭ ارەكەتىمنىڭ باستى سەبەبى – وتباسىمدى قۇرتۋعا باعىتتالعان قىلمىستىق ارەكەتتەرگە جاۋاپ بەرۋىم»
اتىراۋدا ءتورت ادامنىڭ ولىمىنە كىنالى دەپ تانىلعان 29 جاستاعى سۇلتان سارسەمالييەۆ سوتتا ءوزىنىڭ نۇسقاسىن باياندادى. ول قىلمىستىڭ سەبەبىن وتباسىلىق جانجال مەن پسيحولوگيالىق قىسىم دەپ اتادى.
بۇل تۋرالى Infohub.kz اقپارات اگەنتتىگى حابارلايدى.
سارسەمالييەۆتىڭ ايتۋىنشا، جانجال ايەلىنىڭ تۋىستارىنىڭ ارالاسۋىنان باستالعان. ول 10 جىل بىرگە تۇرعان ايەلىمەن اراداعى قارىم-قاتىناسقا ولاردىڭ تىم كوپ ارالاسقانىن ايتتى.
«بالالارىمدى پايدالانىپ، شانتاج جاسادى»
«ەگەر ارامىزدا اۋىر كەلىسپەۋشىلىكتەر بولسا، بەس بالامىز بولماس ەدى، 10 جىل بىرگە تۇرماس ەدىك. الايدا، ايەلىمنىڭ وتباسى ءبىزدىڭ قارىم-قاتىناسىمىزعا تىم كوپ ارالاسىپ، مەنىڭ ايەلىم ەكەۋمىزدىڭ ارامىزعا ىرىتكى سالدى»، - دەدى سوتتالۋشى.
ول ايەلىنىڭ تۋىستارىنىڭ بالالارىنا قاتىستى ايتقان سوزدەرى ارقىلى شانتاج جاساعانىن ايتىپ ءوتتى. «ولار بالالاردىڭ ەشقاشان مەنىمەن دە، اتا-انامىزبەن دە بولمايتىنىن ايتتى. مەنى وسىلايشا، بالالارىمدى پايدالانىپ، شانتاج جاسادى»، - دەدى سارسەمالييەۆ.
«ءوزىمدى مورالدىق جانە پسيحولوگيالىق تۇرعىدان ءالسىز سەزىندىم»
سوتتالۋشىنىڭ ايتۋىنشا، جينالىپ قالعان جاعدايلار ونى قاتتى ەموسيونالدىق جانە پسيحولوگيالىق كۇيزەلىسكە ۇشىراتقان. «مەن بالالارىمنىڭ اناسىنان، اكەسىنەن، اجەسىنەن ايىرىلعانىن قالامادىم... الايدا، وتباسىمدى ساقتاپ قالۋ ءۇشىن جاساعان بارلىق ارەكەتتەرىم ناتيجەسىز اياقتالدى. ولاردىڭ ارەكەتتەرى مەن سوزدەرى مەنى ءوز-وزىمدى باسقارا المايتىن كۇيگە جەتكىزىپ، مورالدىق جانە پسيحولوگيالىق تۇرعىدان ءالسىز ەتتى. وسىدان كەيىن مەن بۇل قىلمىستى جاسادىم»، - دەپ مالىمدەدى ايىپتالۋشى.
قازاقستاندا 2003 جىلدان بەرى ءولىم جازاسىنا موراتوريي جاريالانعان. 2021 جىلدىڭ قاڭتارىندا قازاقستان رەسمي تۇردە ءولىم جازاسىنان باس تارتتى. 2022 جىلعى 5 ماۋسىمداعى رەفەرەندۋمدا كونستيتۋسياعا تۇزەتۋ ەنگىزىلىپ، قازاقستان رەسپۋبليكاسىندا ءولىم جازاسىن قولدانۋعا تىيىم سالىندى. ەندى سوتتالعاندار ءۇشىن ەڭ اۋىر جازا – ءومىر بويىنا باس بوستاندىعىنان ايىرۋ.
ايىپتاۋلار
سۇلتان سارسەمالييەۆ قىلمىستىق كودەكستىڭ ءۇش بابى بويىنشا ايىپتالۋدا:
پروكۋراتۋرانىڭ مالىمەتىنشە، ۇرلىق جانە الاياقتىق فاكتىلەرى قايتىس بولعانداردىڭ جەكە زاتتارىن ۇرلاۋمەن جانە ولاردىڭ مالدارىن زاڭسىز ساتۋمەن بايلانىستى.
بۇعان دەيىن اتىراۋ وبلىستىق پروكۋراتۋراسى سۇلتان سارسەمالييەۆتىڭ پسيحولوگيالىق-پسيحياتريالىق ساراپتاما قورىتىندىسى بويىنشا تولىقتاي ەسى دۇرىس دەپ تانىلعانىن حابارلاعان بولاتىن. بۇل ونىڭ زاڭدا كوزدەلگەن جاۋاپكەرشىلىكتى تولىق كولەمىندە وتەيتىنىن بىلدىرەدى.
ايىپتاۋلارعا سايكەس، وعان ءومىر بويىنا باس بوستاندىعىنان ايىرۋ جازاسى كەسىلۋى مۇمكىن.
-
قازاقستان پرەزيدەنتى قاسىم-جومارت توقايەۆ ينتەرنەتتىڭ جاڭا قاۋىپتەرى تۋرالى ايتىپ، ايماقتاعى تۇراقتىلىقتى بۇزۋعا جول بەرمەۋ كەرەكتىگىن اتاپ ءوتتى.
-
Kazakhstan's national currency، the Tenge، will now be officially spelled with a different letter in Russian-language documents، aligning with Kazakh linguistic norms.
