tengrinews.kz
ستۋدەنتكا جەڭىسكە جەتتى: اكيمدى سوتقا بەرىپ، ءبىلىم گرانتىن ۇتىپ الدى
باتىس قازاقستان وبلىسىنداعى مەديسينا ۋنيۆەرسيتەتىنىڭ ستۋدەنتى جەرگىلىكتى اكىمدى سوتتا جەڭىپ شىقتى. بۇل جاعدايعا سەبەپ بولعان – ءبىلىم گرانتى تاعايىنداۋ كونكۋرسىنىڭ جاريالانباۋى.
بۇل تۋرالى Infohub.kz اقپارات اگەنتتىگى حابارلايدى.
سوتقا نە سەبەپ بولدى؟
ستۋدەنت ب. قازىرگى ۋاقىتتا اقىلى نەگىزدە ءبىلىم الىپ جاتىر. بۇعان دەيىن ول ءبىلىم گرانتىن الۋعا تىرىسقان، الايدا جوعارى وقۋ ورىندارىنىڭ قابىلداۋ كوميسسيالارى ونى كونكۋرسقا قاتىستىرۋدان زاڭسىز باس تارتقان. بۇل فاكت باسقا سوت شەشىمىمەن راستالعان.
جاڭا سوت وتىرىسىندا 2025/2026 وقۋ جىلىنا ارنالعان مەملەكەتتىك بيۋدجەت ەسەبىنەن «مەديسينا» ماماندىعى بويىنشا گرانت بولىنگەنى جانە كەيىننەن ءبىر بوس ورىن قالعانى انىقتالدى.
«سوت ۋاكىلەتتى ورگان زاڭمەن بەلگىلەنگەن مەرزىمدە بوس گرانتتى ءبولۋ بويىنشا كونكۋرس وتكىزبەگەنىن انىقتادى. بۇل تەگىن ءبىلىم الۋعا ۇمىتكەر تۇلعالاردىڭ قۇقىقتارىن بۇزدى»، - دەپ حابارلادى باتىس قازاقستان وبلىستىق سوتىنىڭ باسپا ءسوز قىزمەتى.
ستۋدەنتتىڭ تالابى جانە سوت شەشىمى
ستۋدەنت سوتتان بوس ورىنعا كونكۋرس جاريالاۋدى عانا ەمەس، گرانتتى بىردەن وزىنە تاعايىنداۋدى، سونداي-اق ىرىكتەۋ ەرەجەلەرىن وزگەرتىپ، تەك ءبىرىنشى كۋرستىڭ باعالارىن ەسكەرۋدى سۇراعان. الايدا سوت گرانتتار تەك كونكۋرس نەگىزىندە بەرىلەتىنىن ايتىپ، بۇل تالاپتاردان باس تارتتى.
قورىتىندى بويىنشا، باتىس قازاقستان وبلىسىنىڭ مامانداندىرىلعان اۋدانارالىق اكىمشىلىك سوتى كەلەسى شەشىمدى شىعاردى:
«سوت شەشىمى جوعارى بىلىمگە تەڭ قولجەتىمدىلىك قاعيداتتارىن قامتاماسىز ەتۋگە جانە ءبىلىم گرانتتارىن ءبولۋدىڭ زاڭمەن بەلگىلەنگەن ءتارتىبىن ساقتاۋعا باعىتتالعان»، - دەپ ءتۇسىندىردى سوتتىڭ باسپا ءسوز قىزمەتى.
شەشىم ءالى زاڭدى كۇشىنە ەنگەن جوق.
-
Geopolitical shifts in the Middle East، particularly concerning US-Iran relations، have led to a notable increase in the US dollar's exchange rate against the Kazakhstani Tenge.
-
A student in West Kazakhstan has successfully sued a local Akim to obtain an education grant، highlighting issues of fairness in the allocation of state-funded study places.
