InfoHub Logo

جەدەل رەسپيراتورلىق ۆيرۋستىق ينفەكسيالار (جرۆي) بالالار اراسىندا ەڭ كوپ تارالعان اۋرۋلار بولىپ تابىلادى جانە اتا-انالار ءۇشىن ول اۋرۋ تۋرالى ءبىلۋ وتە ماڭىزدى. وسى اۋرۋلار كەزىندە تىنىس الۋ جولدارى زارداپ شەگەدى، سوندىقتان ولاردى تىنىس الۋ اۋرۋلارى دەپ اتايدى. ءجرۆي-نىڭ ىشىندەگى ەڭ ءقاۋىپتىسى — تۇماۋ. ينكۋباسيالىق كەزەڭى بىرنەشە ساعاتتان 1-3 كۇنگە دەيىن، اسىرەسە تۇماۋمەن اۋىراتىن 2 جاسقا دەيىنگى بالالار مەن سوزىلمالى اۋرۋلارمەن اۋىراتىن 65 جاستان اسقان قارتتار ءۇشىن ءقاۋىپتى. جۇكتى ايەلدەر دە تاۋەكەل توبىنا ەنەدى.

حالىقتىڭ تۇماۋمەن سىرقاتتانۋ، اسقىنۋلار مەن ءولىم-جىتىمدى تومەندەتۋدەگى جالعىز ءتيىمدى شارا — بۇل ۆاكسيناسيا.

تۇماۋعا قارسى يممۋنيتەت ءبىر كۇندە پايدا بولمايدى: ونى قالىپتاستىرۋ ءۇشىن ۋاقىت قاجەت. ۆاكسيناسيادان كەيىنگى يممۋنيتەت 2-3 اپتا ىشىندە قالىپتاسادى، 6-12 ايعا دەيىن ساقتالادى. ەپيدەميا باستالعانعا دەيىن ۆاكسينا الىپ ۇلگەرۋ كەرەك.

تۇماۋ جانە باسقا وتكىر رەسپيراتورلىق ۆيرۋستىق ينفەكسيالار مەن اۋرۋشاڭدىقتىڭ ءوسۋ كەزەڭىندە پروفيلاكتيكانىڭ جالپى شارالارىن ساقتاۋ قاجەت:

— قولىڭىزدى سابىنمەن ءجيى جۋىڭىز، اسىرەسە جوتەلگەننەن نەمەسە تۇشكىرگەننەن كەيىن؛

— پاتەردى، ءۇي-جايلاردى ءجيى جەلدەتىڭىز، سونداي-اق دىمقىلداتىپ تازالاۋدى جۇرگىزىڭىز؛

— دالاعا شىقپاس بۇرىن مۇرىن جولدارىنا وكسوليندى جاقپا جاعىڭىز، بۇل ۆيرۋستاردىڭ تىنىس الۋ جولىنا ەنۋىنە جول بەرمەيدى؛

— جەكە قورعانىش بەتپەردەلەرىن كيىڭىز.

جاتتىعۋ جاساۋ، سپورتپەن اينالىسۋ، جاقسى ۇيقى، دۇرىس تاماقتانۋ، كوكونىستەر، جەمىستەر، تابيعي شىرىندار، كومپوتتاردى پايدالانۋ سۋىق ءتيۋدىڭ الدىن الۋ (اۋا-رايىنا سايكەس كيىم كيۋ) — بۇل ءسىزدىڭ دەنساۋلىعىڭىزعا كەپىلى بولاتىن فاكتورلاردىڭ تولىق ءتىزىمى ەمەس ەكەنىن ەسكەرتەمىز.

وقۋعا كەڭەس بەرەمىز:

تۇماۋعا قارسى

الەم ەلدەرىندە تۇماۋدى قالاي ەمدەيدى؟

سۋىق تيۋدەن ەمدەلۋ: شىن مانىندە كومەكتەسەتىن ءارى قولجەتىمدى ادىستەر

---