InfoHub Logo

ق ر ءبىلىم جانە عىلىم ۆيسە-مينيسترى رۇستەم بيعاري ءبىلىم بەرۋ سالاسىن سيفرلاندىرۋ تەتىكتەرى جونىندە ايتىپ بەردى.

ونىڭ ايتۋىنشا، قازاقستاننىڭ ءبىلىم بەرۋ جۇيەسىندە 20 مىڭنان استام ۇيىم، 7 مىڭ مەكتەپ، 860 كوللەدج جانە 130-دان استام جوو بار.

«سيفرلىق قازاقستان» باعدارلاماسى اياسىندا ءبىلىم بەرۋ سالاسىن سيفرلاندىرۋ جۇمىستارىن باستادىق. مەكتەپتەردە ەلەكتروندى جۋرنال، ەلەكتروندى كۇندەلىك سىندى ءتۇرلى جۇيەلەر پايدا بولدى. كاسىپكەرلەر مەن ستارتاپشىلار ءۇشىن دە مۇمكىندىك كوپ. «سيفرلىق قازاقستان» باعدارلاماسىنا دەيىن سيفرلىق تەحنولوگيالاردى ەنگىزۋ - كومپيۋتەرلىك قۇرىلعىلاردى ورناتۋ دەپ قابىلداناتىن. شىن مانىندە، سيفرلىق تەحنولوگيالاردى ەنگىزۋ – ۇلكەن ەڭبەك»، - دەدى رۇستەم بيعاري بۇگىن Astana Hub تەحنوپاركىندە الەۋمەتتىك يننوۆاسيالار زەرتحاناسىنىڭ اشىلۋىندا.

ۆيسە-مينيستر ەلىمىزدە ۇلتتىق ءبىلىم بەرۋ دەرەكتەر قورىنىڭ جۇمىس ىستەيتىنىن جانە مەكتەپتەرگە ۆيرتۋالدى شىندىق جوبالارىنىڭ ەنگىزىلىپ جاتقانىن حابارلادى.

«مەكتەپتەردە جۇزەگە اسىرىلۋى ءتيىس جوبالار كوپ. روبوتوتەحنيكا كابينەتتەرى، STEM-زەرتحانالار اياسىندا ۆيرتۋالدى شىندىق جوبالارى ەنگىزىلىپ جاتىر. قازاقستاننىڭ ءبىلىم بەرۋ جۇيەسىنىڭ ءوزى ستاندارتتاردى جۇزەگە اسىرۋعا نەگىزدەلگەن. ءبىلىم بەرۋ جۇيەسىندە مەملەكەتتىك ءبىلىم بەرۋ ستاندارتتارى ۇعىمى بار. ياعني، كەز كەلگەن وقۋلىققا ساراپتاما جۇرگىزىلەدى. ال ۆيرتۋالدى شىندىق، زەرتحانا سىنىپتارى ازىرگە قوسىمشا ءبىلىم بەرۋ جۇيەسى رەتىندە ەنگىزىلىپ جاتىر. وسىعان بايلانىستى، جاڭا تەحنولوگيالارعا ەش كەدەرگى جوق»، - دەدى ول.

ايتا كەتەيىك، Astana Hub حالىقارالىق IT-ستارتاپتار تەحنوپاركى مەن بۇۇ بالالار قورى (يۋنيسەف) بالالار مۇددەسىن قورعايتىن «Social Innovation» الەۋمەتتىك يننوۆاسيالار زەرتحاناسىن اشتى. ونىڭ قىزمەتى زاماناۋي تەحنولوگيالار ارقىلى بالالاردى ءتۇرلى سىن-قاتەردەن قورعايتىن جوبالاردى جۇزەگە اسىرۋعا باعىتتالعان.

---