InfoHub Logo

ءوزىن ءوزى تانۋ 5 سىنىپ
تاقىرىپ: تابيعات عاجاپتارى
قۇندىلىق: قيانات جاساماۋ
قاسيەتتەر: سۇيىسپەنشىلىك، مەيىرىم، دوستىق.

ساباق ماقساتى: قيانات جاساماۋ ناعىز ادامنىڭ ءىسى ەكەنىن وقۋشىلارعا ءتۇسىندىرۋ.
مىندەتى:
1. قيانات جاساماۋ ۇعىمىنىڭ ءمانىن اشۋ؛
2. بۇرىننان ادامزات بالاسىنا بەرىلگەن سۇيىسپەنشىلىكتەرىن جانداندىرا وتىرىپ قيانات جاساماۋدى دامىتۋ؛
3. قيانات جاساماۋ ارقىلى سۇيىسپەنشىلىككە بولەنۋ، ۇيلەسىمدى ءومىر ءسۇرۋ.

ساباق بارىسى:
1. ۇيىمداستىرۋ كەزەڭى. 2 مين.
سالەمدەسۋ، وقۋشىلاردىڭ كوڭىل - كۇيىن سۇراۋ، ساباققا قاتىسۋدى تەكسەرۋ.

2. تىنىشتىق ءساتi. 3 مين.
«مەنىڭ جان دۇنيەمدەگى ساۋلە» جاتتىعۋىن باياۋ اۋەن تىڭداي وتىرىپ جاساۋ.

3. ءۇي تاپسىرماسىن تەكسەرۋ. 5 مين.
ۇيگە بەرىلگەن «بالا جانە ىنجۋگۇل قوڭىراۋلارى» (105 بەت) ەرتەگىسى بويىنشا سۇراق قويۋ ارقىلى ەرتەگىنىڭ مازمۇنىن ايتۋ.
سۇراقتار:
1. بالالار، ىنجۋگۇل دۇنيەگە قالاي كەلدى؟
2. ال بالا ىنجۋگۇلگە نەلىكتەن قىزىقتى؟
3. ىنجۋگۇل بالاعا قانداي ءوتىنىش ايتتى؟
4. بالا ىنجۋگۇلدى نەلىكتەن جۇلمادى؟
5. ەگەر سەندەردىڭ ومىرلەرىڭدە وسىنداي جاعداي بولسا، نە ىستەر ەدىڭدەر؟
ساباق بارىسىن تالقىلاۋ:
4. دايەك ءسوز. 2 مين.
«قايىرىمدى ءىس جاسا، قايىرلى بولار ءار ءىسىڭ»
حالىق ناقىلى
ياعني، ءبىز بارلىعىنا قايىرىمدىلىق جاساساق، ءاربىر جاساعان ءىسىمىز بىزگە جاقسىلىق پەن قۋانىش الىپ كەلەدى. گۇلدەرگە، جان - جانۋارلار مەن وسىمدىكتەرگە، ءتىپتى ۇستىمىزدەگى كيىمگە، وتىرعان ورىندىعىمىزعا، مەكتەبىمىزگە جاقسى قارايتىن بولساق، ولار دا بىزگە راحمەتىن ايتادى. ۇستازدارىمىز بەن اتا - انامىزدى تىڭداپ، ايتقانىن ورىندايتىن بولساق، ول ءبىزدىڭ ولارعا قيانات جاساماي، قايىرىمدىلىقپەن قاراعانىمىز بولادى.
(دايەك ءسوزدى داپتەرگە جازىپ، 2 - 3 رەت بىرگە قايتالاپ وقيمىز)

5. اڭگiمەلەۋ (سۇحبات). 3مين.
قيانات جاساماۋ دەگەنىمىز ول:
جاقسى وي ويلاۋ - الەمگە قيانات جاساماۋ،
جاقسى ءسوز ايتۋ - تىلگە قيانات جاساماۋ،
جاقسى اڭگىمە تىڭداۋ – قۇلاعىمىزعا قيانات
جاساماۋ،
جاقسىلىقتى كورە ءبىلۋ – كوزگە قيانات جاساماۋ،
دۇرىس تاماقتانۋ - دەنساۋلىعىمىزعا قيانات
جاساماۋ،
دۇرىس ءىس - ارەكەت جاساۋ - دەنەمىزگە قيانات جاساماۋ.
قۇربىلارىمىزدى رەنجىتپەۋ – دوستىققا قيانات
جاساماۋ.

اڭىز ايتۋ. 5 مين
«نە ايتاتىنىڭدى ويلاپ ال»
(ويعا قيانات جاساماۋ، ويتكەنى ءاربىر وي ىسكە ۇلاسادى)
«قيانات كەلتىرمەگەن جازا»
(ءىس - ارەكەتتە قيانات جاساماۋ، ءاربىر ءىس - ارەكەت مىنەزدى قالىپتاستىرادى)

سۇراق قويۋ: 5مين.
- بالالار ەندى سەندەر قيانات جاساماۋ دەگەندى قالاي تۇسىنەسىڭدەر؟
- قيانات جاساماۋ ءۇشىن نە ىستەۋ كەرەك؟

6. شىعارماشىلىق جۇمىس، توپتىق جۇمىس. 12 مين.
جاعداياتتاردىڭ شەشىمىن تابۋ.

1 - جاعدايات
سەن بىرنەشە دوستارىڭمەن ساباقتان قايتىپ كەلە جاتىر ەدىڭ قاسىڭداعى قۇربىلارىڭ كينوعا بارايىق دەگەن ۇسىنىس جاسادى. ءبىراق سەن ساباقتان سوڭ اناڭنىڭ بەرگەن تاپسىرمالارىن ورىنداۋىڭ كەرەك. قۇربىلارىڭ قىزىق كينو ءجۇرىپ جاتقانىن ايتىپ سەنەن ءوتىنىپ تۇر. سەن نە ىستەيسىڭ؟

2 - جاعدايات
ساباقتان قايتىپ كەلە جاتقان جولدا سەن بىرنەشە بالالاردىڭ تالداعى المانى الۋ ءۇشىن تالدىڭ بۇتاقتارىن سىندىرىپ جاتقانىن كوردىڭ. سەن نە ىستەيسىڭ؟
(توپتارعا بەرىپ، ءار توپ ءوز شەشىمىن بىرلەسىپ شىعارادى)

داپتەرمەن جۇمىس
داپتەردىڭ ورتاسىنا كۇننىڭ سۋرەتىن سالىپ، كۇننەن تاراعان ساۋلەلەرگە جاقسى قاسيەتتەردى جازامىز. (تاقتاعا سىزىپ كورسەتەمىن)

وقۋشىلاردىڭ قانداي قاسيەتتەردى جازعاندارىن ورتاعا سالىپ ايتامىز.
قورىتىندىلاۋ.
جاقسى ويلار ويلايمىز،
جاقسىلىقتى كورەمىز،
جاقسى اڭگىمە تىڭدايمىز،
جاقسى ىستەر جاسايمىز،
ءبىز باقىتتى بالامىز.
داپتەرگە جازىپ، بىرنەشە رەت قايتالاپ وقيمىز.

7. توپپەن ءان ايتۋ. 3 مين.
«اق كوگەرشىن» ءسوزى: ا. جۇبانوۆتىكى، ءانى: ن. بايمۇحامەدوۆتىكى

8. ءۇي تاپسىرماسى. 2 مين.
«قيانات جاساماۋ - ناعىز ادامنىڭ ءىسى» تاقىرىبىندا ءوز
ويلارىنان نەمەسە باستارىنان وتكىزگەن وقيعالارى تۋرالى شاعىن اڭگىمە جازۋ. كەلەسى ساباققا «سۋرەتشى تۋرالى ەرتەگى» اڭگىمەسىن وقىپ كەلۋ.

9. سوڭعى تىنىشتىق ءساتi. 3 مين.
- بالالار، ەندى ءبىر ءسات تىنىشتالىپ، كوزىمىزدى
جۇمايىقشى. (اۋەنمەن) بۇگىنگى ساباقتان العان اسەرلەرىڭ مەن جاقسى ويلارىڭدى ەستەرىڭە ءتۇسىرىپ كورىڭدەرشى... (ءسال كىدىرىس جاسايمىن) ونى وزدەرىڭمەن بىرگە قالۋ ءۇشىن جۇرەكتەرىڭە سالىپ، ساقتاپ قويعاندى ەلەستەتىپ كورىڭدەرشى. (ءسال كىدىرىس جاسايمىن) ەلەستەتىپ بولساڭدار جايلاپ كوزدەرىڭدى اشىڭدار. بۇگىن سەندەر وتە كوپ جاقسى ىستەر جاسادىڭدار، ساباقتى جاقسى وقىدىڭدار، جاقسى ويلار ايتتىڭدار سول ءۇشىن سەندەرگە راحمەت ايتامىن!