InfoHub Logo

تاياۋ شىعىستاعى جاعداي كۇرت شيەلەنىسىپ، يران استاناسى تەگەراندا جارىلىستار ەستىلىپ، حالىق اراسىندا دۇربەلەڭ تۋدى. بۇل وقيعا ءيزرايلدىڭ يرانعا سوققى جاساعانىن رەسمي تۇردە مالىمدەۋىنەن كەيىن بولدى.

بۇل تۋرالى Infohub.kz اقپارات اگەنتتىگى حابارلايدى.

يران باسشىسىنىڭ ورنى

Reuters اگەنتتىگىنىڭ مالىمەتىنشە، يراننىڭ جوعارعى كوشباسشىسى ءالي حامەنەي تەگەراندا بولماعان. ول ءقاۋىپسىز جەرگە كوشىرىلىپ، ورنى بەلگىسىز بولىپ وتىر. بۇل اقپاراتتى رەسمي وكىل راستادى.

ءيزرايلدىڭ ارەكەتى

يزرايل قورعانىس ءمينيسترى يسراەل كاس ەل اسكەرى يرانعا «الدىن الا سوققى» جاساعانىن ايتتى. بۇل قادام يزرايلگە ءتونۋى مۇمكىن قاۋىپتەردىڭ الدىن الۋ ماقساتىندا اتقارىلعانى ايتىلدى. يزرايل ارمياسى (ساحال) ەل بويىنشا توتەنشە جاعداي جاريالاپ، حالىقتى بومبا پانالارىنا جاقىن بولۋعا شاقىردى. ءبىلىم بەرۋ مەكەمەلەرىنىڭ جۇمىسى توقتاتىلىپ، جينالىستار مەن كەڭسە جۇمىسىنا شەكتەۋ قويىلدى.

تەگەرانداعى جاعداي

يران اقپارات قۇرالدارىنىڭ حابارلاۋىنشا، يزرايل زىمىراندارى تەگەرانداعى بىرنەشە اۋداندا، سونىڭ ىشىندە دانەشگاح داڭعىلى مەن دجومحۋري اۋداندارىندا جارىلعان. پاستۋر اۋدانىنان قويۋ ءتۇتىن كوتەرىلگەنى بايقالدى. قالا ورتالىعىنداعى جارىلىستاردان كەيىن تۇرعىندار ءقاۋىپسىز ورىندارعا قاراي اعىلدى. قازىرگى ۋاقىتتا يران بيلىگىنەن رەسمي مالىمدەمە جاسالعان جوق، زارداپ شەككەندەر تۋرالى ناقتى دەرەك جوق.

ايماقتاعى احۋال

بۇل وقيعالار يزرايل مەن يران اراسىنداعى شيەلەنىستى جاڭا دەڭگەيگە كوتەرىپ، ايماقتىق جانجالدىڭ كەڭەيۋ ءقاۋپىن ارتتىرادى. حالىقارالىق قاۋىمداستىق جاعدايدى مۇقيات باقىلاۋدا ۇستاپ وتىر.