Tengrinews.kz
تالدىكورگانداعى جارىلىس: گاز كومپانياسىنىڭ باسشىسى 4 جىلعا سوتتالدى
تالدىكورگانداعى جەكە ءۇيدىڭ جارىلىسى مەن ورتكە قاتىستى سوت ۇكىمى شىقتى. گاز كومپانياسىنىڭ 51 جاستاعى باسشىسى كىنالى دەپ تانىلىپ، 4 جىلعا باس بوستاندىعىنان ايىرىلدى. بۇل تۋرالى Tengrinews.kz حابارلايدى.
وقيعا 2024 جىلدىڭ 31 جەلتوقسانىندا بولعان. بەكپايەۆتار وتباسىنىڭ ۇيىندە بولعان جارىلىس سالدارىنان جەتى ادام اۋرۋحاناعا جەتكىزىلگەن. وكىنىشكە وراي، ۇشەۋى دارىگەرلەردىڭ بارلىق كۇشىنە قاراماستان كوز جۇمدى.
تەرگەۋ بارىسىندا اپاتقا ءۇيدىڭ جانىنان وتەتىن گاز قۇبىرلارىنان تابيعي گازدىڭ شىعۋى سەبەپ بولعانى انىقتالدى. وسىعان بايلانىستى قىلمىستىق كودەكستىڭ 306-بابى، 3-بولىگى بويىنشا قىلمىستىق ءىس قوزعالدى. ىسكە جەرگىلىكتى گاز كومپانيالارىنىڭ ءبىرىنىڭ 51 جاستاعى يەسى تارتىلىپ، كەيىننەن قاماۋعا الىندى.
سوت وتىرىستارىندا ءىس ماتەريالدارى 14 تومنان تۇردى. بۇگىن سۋديا الماس بەكبوسىنوۆ ۇكىمدى وقىپ بەردى. سوتتالۋشى كىنالى دەپ تانىلىپ، 4 جىلعا باس بوستاندىعىنان ايىرىلدى. ول جازاسىن مينيمالدى قاۋىپسىزدىگى بار مەكەمەدە وتەيتىن بولادى. ۇكىم ءالى زاڭدى كۇشىنە ەنگەن جوق.
ەسكە سالا كەتەيىك، 2024 جىلدىڭ 31 جەلتوقسانىندا تالدىكورگاننىڭ شەتىندەگى ەكى قاباتتى جەكە ۇيدە جارىلىس بولىپ، ءورت شىقتى. جەتى ادام، سونىڭ ىشىندە بالالار اۋىر جاراقات الدى. ءۇش ادام قازا تاپتى. بۇل وقيعا قوعامدا ۇلكەن رەزونانس تۋدىرىپ، حالىق بيلىكتەن تەرگەۋدى ەرەكشە باقىلاۋعا الۋدى تالاپ ەتكەن بولاتىن.
-
ينسيدەنت س نەۋۆاجەنيەم ك كۋلتۋرنومۋ ناسلەديۋ ۆ استانە ۆىزۆال شيروكيي وبششەستۆەننىي رەزونانس ي ترەبۋەت پرينياتيا مەر.
-
A court has delivered a verdict in the Taldykorgan house explosion case، sentencing the 51-year-old head of a gas company to four years in prison.
