threads.com/@confessa11
تالعار اۋدانىنداعى تاريحي ەسكەرتكىش ماڭىنداعى قۇرىلىس تۇرعىنداردى اشۋلاندىردى
الماتى وبلىسى، تالعار اۋدانى، بەلبۇلاق اۋىلىنىڭ تۇرعىندارى پانفيلوۆ ديۆيزياسىنا ارنالعان ەسكەرتكىش ماڭىنداعى قۇرىلىس جۇمىستارىنان شاعىمداندى. ولاردىڭ ايتۋىنشا، كاسىپكەر مەملەكەتتىك جەردى يەلەنىپ، تۇراق سالۋ ءۇشىن شۇڭقىر قازىپ، اعاشتاردى كەسىپ تاستاعان.
بۇل تۋرالى Infohub.kz اقپارات اگەنتتىگى حابارلايدى.
«جەرگىلىكتى تۇرعىندار شوكتا»: نە بولدى؟
تۇرعىننىڭ الەۋمەتتىك جەلىدەگى جازباسىندا ايتىلعانداي، بەلبۇلاق اۋىلىندا پانفيلوۆ اتىنداعى 8-گۆارديالىق ديۆيزيانىڭ قۇرىلۋىنا ارنالعان ماڭىزدى تاريحي نىسان بار. بۇل مەموريالدىڭ اينالاسىندا كوپ جىلدىق اعاشتار وسكەن.
جازبا اۆتورىنىڭ ايتۋىنشا، اۋىلدىقتار جىلدار بويى بۇل جەرگە كۇتىم جاساپ، گۇل ەگىپ، قورشاۋدى بوياپ، تازالىقتى ساقتاپ كەلگەن. الايدا، ءقازىر بۇل اۋماق ءقاۋىپ استىندا قالعان.
تۇرعىننىڭ سوزىنە قاراعاندا، ەسكەرتكىشتىڭ ارتىندا بوس تۇرعان دۇكەن بولعان. سول ماڭايداعى تۇرعىنداردىڭ تراسساعا شىعاتىن جولى دا بار ەدى.
«ول دۇكەننىڭ الدىنا تۇراق سالۋدى ۇيعاردى. ەكى اپتا بۇرىن قۇرىلىس جۇمىستارىن باستاپ، جەردى يەلەنىپ، شۇڭقىر قازدى. ەسكەرتكىش ماڭىنداعى بىرنەشە اعاشتى كەسىپ تاستادى. كورشى ۇيگە كىرەر ەسىكتى جاۋىپ، ءوتۋ جولىن بوگەپ تاستادى. جەرگىلىكتى تۇرعىندار مۇنداي ارەكەتكە قاتتى اشۋلاندى. ولار ارىز جازدى، ءبىراق ازىرگە ەش ناتيجە جوق»، - دەپ جازدى تۇرعىن.
اكىمدىك نە دەيدى؟
Tengrinews.kz ءتىلشىسى الماتى وبلىسى، تالعار اۋدانى اكىمدىگىنەن تۇسىنىكتەمە الدى.
ۆەدومستۆونىڭ حابارلاۋىنشا، بەلبۇلاق اۋىلدىق وكرۋگىنىڭ بيلىگى ءتيىستى ورگاندارمەن بىرلەسىپ، وقيعا بولعان جەردە تەكسەرۋ جۇرگىزگەن.
تەكسەرۋ بارىسىندا كاسىپكەردىڭ پانفيلوۆ ديۆيزياسىنا ارنالعان جەر ۋچاسكەسىندە رۇقسات قۇجاتتارىنسىز جەر جۇمىستارىن جۇرگىزگەنى انىقتالدى.
«بۇل فاكتى بويىنشا تۇرعىندار پوليسيا ورگاندارىنا ارىز بەردى. اتالعان اۋماقتا ەشقانداي جۇمىس جۇرگىزۋگە بولمايتىنى تۋرالى تۇسىندىرىلگەنىنە قاراماستان، مەنشىك يەسى جۇمىستى جالعاستىرا بەرگەن. سول سەبەپتى ماتەريالدار پروسەسسۋالدىق شەشىم قابىلداۋ ءۇشىن تالعار اۋداندىق پوليسيا بولىمىنە جىبەرىلدى»، - دەپ حابارلادى اكىمدىك.
اكىمدىك مالىمەتىنشە، جاعداي اكىمشىلىك پەن پوليسيانىڭ باقىلاۋىندا.
«جەر ۋچاسكەسىنىڭ مەنشىك يەسىمەن اۋماقتى ءتيىستى دەڭگەيدە ۇستاۋ ماسەلەسى بويىنشا پروفيلاكتيكالىق اڭگىمە جۇرگىزىلدى. ناتيجەسىندە، ول ۋچاسكەنى اباتتاندىرۋ جۇمىستارىن جۇرگىزۋگە مىندەتتەمە الدى. قازىرگى زاڭناما اياسىندا قوسىمشا شارالار قابىلدانادى»، - دەدى اكىمدىك.
Tengrinews.kz وقيعانىڭ دامۋىن باقىلاۋدى جالعاستىرادى.
-
ۆەچەروم 4 يۋنيا جيتەلي الماتينسكوي وبلاستي سووبششيلي و پودزەمنىح تولچكاح. ينفورماسيا و زەملەترياسەنيي.
-
Residents are furious over unauthorized construction near a historical monument in the Talgar district، leading to land disputes and environmental damage.
