InfoHub Logo

تانىمال وتباسىلىق دۋەت جانبولات ەرباتىروۆ پەن جازيرا بايىربەكوۆا تۇڭعىش ۇلدارىن ۇيلەندىرىپ، 700 ادامعا ارنالعان اۋقىمدى توي وتكىزدى. تويدىڭ YouTube جەلىسىندەگى تىكەلەي ترانسلياسياسىن 450 مىڭنان استام كورەرمەن تاماشالادى.

بۇل تۋرالى Infohub.kz اقپارات اگەنتتىگى حابارلايدى.

اسابانىڭ ءسوزى قوعامدا پىكىرتالاس تۋدىردى

دۋماندى كەشتىڭ كەيبىر ساتتەرى الەۋمەتتىك جەلىدە قىزۋ تالقىعا اينالدى. اتاپ ايتقاندا، Threads جەلىسىندە @asiyashine_ ەسىمدى قولدانۋشى جاريالاعان ۆيدەودا توي جۇرگىزۋشىسىنىڭ جانبولات ەرباتىروۆتىڭ اناسى ورتاعا شىققاندا ايتقان ءسوزى كوپشىلىكتىڭ نارازىلىعىن تۋدىردى. اسابا: “مۋزىكانى ىسىراپ قىلماي-اق قوي، اجەمىز ءبارىبىر بيلەمەيدى”، – دەپ ايتقان.

جەلى قولدانۋشىلارىنىڭ پىكىرى

بۇل ءسوز الەۋمەتتىك جەلىدەگىلەردىڭ كوڭىلىنەن شىقپاي، اسابانىڭ ادەپسىزدىگى مەن مادەنيەتسىزدىگىن ايىپتادى. كوپشىلىك ۇلكەن كىسىلەرگە دەگەن قۇرمەتتى ساقتاۋ كەرەكتىگىن، توي جۇرگىزۋشىلەرىنىڭ ءار ءسوزىن ويلانىپ ايتۋى قاجەتتىگىن العا تارتتى. كەيبىر پىكىرلەردە “تامادالار مادەنيەتتەن جۇرداي”، “وسىنداي تاماداعا كەتكەن اقشا ىسىراپ بولدى”، “پاراساتسىز ەكەن” دەگەن سياقتى باعالار بەرىلدى.

الايدا، كەيبىر قولدانۋشىلار بۇل جاعدايدى اسا ۇلكەيتىپ جىبەرۋدىڭ قاجەتى جوق ەكەنىن، اسابانىڭ ءسوزىن ءساتسىز قالجىڭ رەتىندە قابىلداۋعا بولاتىنىن ايتىپ، تىكەلەي ەفيردە ەموسياعا بەرىلىپ ايتىلعان سوزدەر بولۋى مۇمكىن دەگەن پىكىر ءبىلدىردى.