Photo: Ayazhan (https://www.pexels.com/@ayazhan-3173683) / Pexels
تامارا اسار پروتەز اۋىستىرۋ كەزىندەگى قيىندىقتاردى ءبولىستى: «قاجالىپ قان بولدى»
قازاقستاندىق ءانشى تامارا اسار شەتەلدە اياعىنداعى پروتەزىن اۋىستىرۋ وپەراسياسىنان كەيىنگى جاعدايىن الەۋمەتتىك جەلىدە ءبولىسىپ، كوپشىلىكتى تولقىتتى. ونەر يەسى جاڭا پروتەزبەن ءجۇرىپ ۇيرەنۋدىڭ وزىنە وڭاي سوقپاعانىن، ءار قادامىنىڭ ۇلكەن ەڭبەك پەن ەرلىكپەن كەلگەنىن جەتكىزدى.
بۇل تۋرالى Infohub.kz اقپارات اگەنتتىگى حابارلايدى.
ءانشىنىڭ ايتۋىنشا، ءۇش كۇننەن بەرى جاڭا پروتەزبەن «ءتاي-تاي باسىپ» ءجۇرىپ ۇيرەنىپ جاتىر. بۇل كەزەڭدى ول ءوزى ءۇشىن ۇلكەن سىناق دەپ اتاپ، ءاربىر قادامنىڭ ماڭىزىن ەرەكشە اتاپ ءوتتى.
ءجۇرىپ ۇيرەنۋدىڭ قيىندىعى
«وتىرعان ورنىڭنان كوتەرىلىپ، مۇپ-مۇزداي بولعان اياققا دۇرىس ءمىنۋ – جەتىستىك. ءبىر جاققا اۋىپ كەتپەي، تەپە-تەڭدىكپەن بويىڭدى تىك ۇستاۋ – جەڭىس. ءوز كومفورتىنا جايعاسىپ العان جىلى دەنەنىڭ اۋىرسىنۋىنا، قاجالعانىنا قاراماي كۇردەلى كەزەڭگە باعىتتاپ، بوساتا ءبىلۋ – كونۋ ارقىلى كەلگەن ەرلىك»، - دەپ جازدى تامارا اسار.
ءانشى ءاربىر باسقان قادامدى مىڭ رەت قايتالاۋعا تەڭەپ، «قاجالعاننىڭ قانىمەن، اۋىرسىنۋدان سورعالاعان تەرگە بوي بەرمەۋ – جەڭىس» ەكەنىن ايتتى. ونىڭ سوزىنشە، ويداعىداي، نىق باسىلعان ءاربىر قادام – بۇل جەمىس، ال ءتانى مەن جانىن اللاعا تاپسىرىپ، باعىنۋ ارقىلى باعىندىرۋ – راحات.
«ءبارى ومىردەگىدەي، ال ءومىر – كادىمگى سپورتتاعىداي»، - دەپ تۇيىندەدى ءانشى.
ەستەرىڭىزگە سالا كەتەيىك، تامارا اسار بۇعان دەيىن جول اپاتىنان كەيىن اياعىنان ايىرىلعان بولاتىن.
-
الەۋمەتتىك جەلىدە جەكە ومىرىنە قاتىستى بەينەماتەريالدار تاراپ، كوپشىلىكتىڭ تالقىسىنا تۇسكەن اسابا حان جۇبايىمەن بىرگە العاش رەت پىكىر ءبىلدىرىپ، قۋانىشتى جاڭالىعىمەن ءبولىستى.
-
Kazakh singer Tamara Asar details the painful process of adapting to a new prosthetic leg after surgery abroad، highlighting her resilience.
