InfoHub Logo

تامارا اسار قاسيەتتى مەككە قالاسىنا جاساعان ساپارى بارىسىندا كۇيەۋىنە قولداۋ كورسەتۋ پارىزى ەكەنىن ايتتى. بۇل ساپار ونىڭ جۇرەگىنە ەرەكشە اسەر قالدىردى.

بۇل تۋرالى Infohub.kz اقپارات اگەنتتىگى حابارلايدى.

مەككەدەگى اسەرلى ساتتەر

تامارا اسار قاسيەتتى مەككە قالاسىنا جاساعان ساپارى بارىسىندا الەۋمەتتىك جەلىدە اسەرلى ساتتەرىمەن ءبولىستى. ول ۋمرا نيەتىمەن قاعباعا جاقىنداۋ ساتىندەگى سەزىمدەرىن، اكەسىنە دەگەن ساعىنىشىن اشىق جازدى.

ءانشىنىڭ ايتۋىنشا، مەككەگە ەڭ جاقىن ميقاتتاردىڭ ءبىرى – ايشا انا مەشىتى. ول بۇل ورىننىڭ تاريحىنا توقتالىپ، ايشا انامىزدىڭ ۋمراعا نيەت ەتكەنىنە بايلانىستى اتالاتىنىن ەسكە سالدى.

اكەسىنىڭ قولداۋ ءسوزى

تامارا قاعباعا جاقىنداۋ وڭاي بولمايتىنىن ويلاعانىن، ءبىراق سول ساتتە اكەسىنىڭ ءسوزى جۇرەگىنە مەدەۋ بولعانىن ايتتى. ول ناماز وقۋعا نيەت ەتىپ، بالا كۇنىندەگى ەستەلىكتى ەسىنە الدى.

«9-سىنىپتا جۇرگەندە اكەم ءوز قولىمەن داپتەرگە ناماز وقۋ تارتىبىمەن ماڭىزدى سۇرەلەر جازعان داپتەرىن اشتىم»، – دەپ جازدى ول.

كۇيەۋىنە قولداۋ كورسەتۋ

تامارا اسار كۇيەۋىنىڭ قايعىسى تۋرالى دا جازا كەتتى. «قاسيەتتى قاعباعا باسىمدى تيگىزىپ تۇرىپ، تىلىمە ۇيىرىلگەن جانداردىڭ اتتارىن قايتالاپ دۇعا جاساي بەردىم. كوزىمنەن ىستىق جاس توقتامادى. تاس تۇسكەن جەرىنە اۋىر، باۋىر ەتى بالانى جوعالتۋ جۇرەككە تۇسكەن اۋىر تاس ەشقاشان ەرىمەس. ءبىراق جۇرەكتى جىلىتا بەرۋ جاقىندارىنىڭ پارىزى شىعار. مەن قولىمنان كەلگەنشە، دەنساۋلىعىم جەتسە، جۇرەگىنىڭ جىلىتۋشىسى بولايىن، باپاسى…»، – دەپ جازدى ول.