InfoHub Logo

قازاقستاندىق تانىمال كاسىپكەر ارسەن تومسكيي وليمپيادا چەمپيونى ميحايل شايدوروۆتىڭ اكەسىنە Audi Q8 اۆتوكولىگىن سىيلايتىنىن مالىمدەدى. بۇل تۋرالى Infohub.kz اقپارات اگەنتتىگى حابارلايدى.

كاسىپكەردىڭ ايتۋىنشا، اۆتوموبيل ميحايلدىڭ اكەسى ستانيسلاۆ الەكساندروۆيچكە بەرىلەدى. كولىك قازىرگى تاڭدا Audi Almaty ورتالىعىندا يەسىن كۇتىپ تۇر.

چەمپيونعا جانە ونىڭ اكەسىنە العىس

ارسەن تومسكيي ميحايلدىڭ جەتىستىگىنە ريزاشىلىعىن ءبىلدىرىپ، ونىڭ اكەسىنە ارنايى العىس ايتتى. «ميحايلعا وسى قۋانىش پەن ماقتانىش سەزىمى ءۇشىن العىس ايتامىن. بۇل – شابىت سىيلايتىن، ەرەكشە ستيلدەگى التىن جەڭىس. وسىنداي تابىستىڭ باستاۋىندا تۇرعان ادامعا ريزاشىلىعىمدى بىلدىرگىم كەلەدى. سوندىقتان Audi Q8 كولىگىن چەمپيوننىڭ اكەسىنە سىيعا تارتامىن»، – دەدى كاسىپكەر.

اكەنىڭ ۇلى ءۇشىن جاساعان قۇرباندىعى

كاسىپكەر ستانيسلاۆ الەكساندروۆيچتىڭ بۇرىن ۇلىنىڭ سپورتتىق ارمانى ءۇشىن ءوز كولىگىن ساتىپ جىبەرگەنىن ەسكە سالدى. ميحايلدىڭ العاشقى باپكەرى بولعان اكەسى بالاسىنىڭ سپورتتاعى جولىنا ۇلكەن قولداۋ كورسەتكەن.

«ءبىر كەزدەرى ول ۇلىنىڭ ارمانى ءۇشىن ءوز كولىگىن ساتتى. بۇگىن سول ارمان التىن جۇلدەگە اينالدى. ەندى بۇل كولىك ورتاق العىسىمىزدىڭ بەلگىسى بولسىن!» – دەپ جازدى ارسەن تومسكيي.

ايتا كەتەيىك، ميحايل شايدوروۆ – قازاقستان تاريحىنداعى مانەرلەپ سىرعاناۋدان تۇڭعىش وليمپيادا چەمپيونى. بۇعان دەيىن ءانشى ديماش قۇدايبەرگەن دە سپورتشىعا كولىك سىيلايتىنىن حابارلاعان بولاتىن.