depositphotos.com
تانىمال كۋرورتتاردا قوناقۇيگە تىركەلۋ ەرەجەلەرى وزگەردى: قازاقستاندىقتارعا نە ءبىلۋ كەرەك؟
قازاقستاندىق ساياحاتشىلارعا تانىمال كۋرورتتاردا قوناقۇيگە تىركەلۋ ەرەجەلەرى وزگەرگەنىن ەسكەرۋ قاجەت. كەيبىر ەلدەردە تىركەلۋ پروسەسى جەڭىلدەتىلسە، كەيبىرىندە جەكە دەرەكتەردى ساقتاۋ تالاپتارى كۇشەيتىلدى.
بۇل تۋرالى Infohub.kz اقپارات اگەنتتىگى حابارلايدى.
دۋباي
دۋبايدىڭ تۋريزم جانە ەكونوميكا دەپارتامەنتى مالىمدەگەندەي، ەندى قالاداعى بارلىق قوناقۇيلەردە بايلانىسسىز تىركەلۋ مۇمكىندىگى بار. بۇل جۇيە بيومەتريالىق جانە سيفرلىق تەحنولوگيالارعا نەگىزدەلگەن.
"بۇل قىزمەتتىڭ ەنگىزىلۋى دۋبايدىڭ يننوۆاسيالىق شەشىمدەردى ەنگىزۋگە جانە كەلۋشىلەردىڭ ساياحاتىن جەڭىلدەتۋگە دەگەن ۇمتىلىسىن كورسەتەدى"، — دەپ حابارلادى جەرگىلىكتى ۇكىمەت.
تۇركيا
تۇركيانىڭ جەكە دەرەكتەردى قورعاۋ كەڭەسى 2025 جىلدىڭ جەلتوقسانىنان باستاپ تۋريستەردەن پاسپورت كوشىرمەلەرىن تالاپ ەتۋدى توقتاتتى. ەندى تەك قۇجاتتى كورسەتۋ جەتكىلىكتى، بارلىق دەرەكتەر اۆتوماتتى تۇردە ەلەكتروندى جۇيەگە ەنگىزىلەدى.
يسپانيا
يسپانيادا 2025 جىلدان باستاپ قوناقۇيلەر مەن اپارتامەنتتەر قوناقتاردىڭ پاسپورتتارى مەن ID-كارتالارىنىڭ كوشىرمەلەرىن ساقتاۋعا تىيىم سالىندى. تەك قۇجاتتىڭ ءتۇپنۇسقاسىن كورسەتۋ قاجەت.
رەسەي
2026 جىلدىڭ 1 ناۋرىزىنان باستاپ رەسەيدە ءقوناقۇي قىزمەتتەرىن كورسەتۋ ەرەجەلەرى جاڭارتىلادى. ەندى قوناقۇيگە جۇرگىزۋشى كۋالىگىمەن تىركەلۋگە بولادى، ال بروندى زاەزد الدىنداعى كۇنگە دەيىن ايىپپۇلسىز جويۋعا مۇمكىندىك بار.
ساياحاتشىلارعا ءار ەلدىڭ تىركەلۋ ەرەجەلەرىن الدىن الا ءبىلىپ الۋ ماڭىزدى، بۇل دەمالىستا ۋاقىتتى ۇنەمدەۋگە كومەكتەسەدى.
-
الماتىدا Mellstroy گراففيتيى بار ۇزاق ۋاقىت بويى اياقتالماعان قۇرىلىس نىسانى بۇزىلۋعا دايىندالۋدا.
-
الماتىداعى مۇحتار اۋەزوۆ اتىنداعى تەاتردىڭ قايتا قۇرۋ جۇمىستارى قارجى تاپشىلىعىنا بايلانىستى توقتاتىلدى.
