tengrinews.kz
تارازدا 13 جاسار قىزدى ۇرلاماق بولعان ەر ادامدار ۇستالدى
تاراز قالاسىندا بەلگىسىز ەر ادامدار 13 جاسار قىزدى كولىككە كۇشتەپ مىنگىزىپ، الىپ كەتپەك بولعان. بۇل وقيعا 16 اقپان كۇنى كۇندىز، قوعامدىق كولىك ايالداماسىنىڭ جانىندا بولعان.
بۇل تۋرالى Infohub.kz اقپارات اگەنتتىگى حابارلايدى.
وقيعانىڭ ۆيدەوسى Instagram جەلىسىندەگى taraz_life پاراقشاسىندا جاريالاندى. جەلى قولدانۋشىلارىنىڭ ايتۋىنشا، ايالدامادا تۇرعان ەر ادامنىڭ ارالاسۋىمەن قىزدى الىپ كەتۋ ارەكەتى توقتاتىلعان.
ۆيدەونى قىزدىڭ اكەسى بەينەباقىلاۋ كامەرالارىنان العان. ول قىزىمەن حابارلاسىپ، بولعان جايتتى انىقتاعان. قىزدىڭ سوزىنشە، ەر ادامداردىڭ ءبىرىنىڭ باسىندا اق ءتۇستى باس كيىم بولعان.
پوليسيانىڭ ارەكەتى
تاراز قالالىق پوليسياسى قىزدى ۇرلاماق بولعان كۇدىكتىلەردى دەرەۋ ۇستاعانىن حابارلادى.
«پوليسياعا ەكى بەيتانىس ازاماتتىڭ ايالدامادا تۇرعان قىزدى كولىككە سالىپ الىپ كەتپەك بولعانى تۋرالى حابارلاما كەلىپ ءتۇستى. بۇل دەرەك بويىنشا سوتقا دەيىنگى تەرگەۋ باستالدى. وقيعا ورنىنا پوليسيا قىزمەتكەرلەرى دەرەۋ شىقتى.
كۇدىكتىلەر ۇستالىپ، ۋاقىتشا ۇستاۋ يزولياتورىنا قامالدى. قازىرگى ۋاقىتتا وقيعانىڭ بارلىق ءمان-جايىن انىقتاۋعا باعىتتالعان تەرگەۋ ارەكەتتەرى جۇرگىزىلىپ جاتىر»، - دەلىنگەن حابارلامادا.
پوليسيا بالالاردىڭ قاۋىپسىزدىگىنە جاسالعان كەز كەلگەن ارەكەتتىڭ ەرەكشە باقىلاۋدا بولاتىنىن جانە قولدانىستاعى زاڭناما اياسىندا قاتاڭ تۇردە جويىلاتىنىن اتاپ ءوتتى.
-
قازاقستاندىق مانەرلەپ سىرعاناۋشى ميحايل شايدوروۆ قىسقى وليمپيادا ويىندارىندا التىن مەدال جەڭىپ العاننان كەيىن الەمدىك رەيتينگتە ۇزدىك ءۇش سپورتشىنىڭ قاتارىنا قوسىلدى.
-
Authorities apprehended two men in Taraz who attempted to force a 13-year-old girl into a vehicle. The incident was captured on surveillance footage.
