Photo: Ayazhan (https://www.pexels.com/@ayazhan-3173683) / Pexels
تارازداعى مەكتەپتە 10-سىنىپ وقۋشىسى بيىكتىكتەن قۇلاپ، جانساقتاۋ بولىمىنە ءتۇستى
تاراز قالاسىنداعى №40 گيمنازيا اۋماعىندا 10-سىنىپ وقۋشىسى بيىكتىكتەن قۇلاپ، اۋىر جاراقات الدى. وقيعادان كەيىن ءجاسوسپىرىم وبلىستىق بالالار اۋرۋحاناسىنىڭ جانساقتاۋ بولىمىنە جەتكىزىلدى.
بۇل تۋرالى Infohub.kz اقپارات اگەنتتىگى حابارلايدى.
وقيعانىڭ ءمان-جايى
الدىن الا دەرەكتەر بويىنشا، وقيعا تاڭەرتەڭگى ۋاقىتتا بولعان. وقۋشى مەكتەپ عيماراتىنىڭ سىرتىنداعى ءورت ءسوندىرۋ ساتىسىنا كوتەرىلىپ، كەيىن تەپە-تەڭدىگىن جوعالتىپ، تومەن قۇلاپ كەتكەن. بۇل ءساتتى بەينەباقىلاۋ كامەرالارى تىركەپ العان.
سونداي-اق، وقيعا الدىندا وقۋشىنىڭ WhatsApp جەلىسىندە «قوشتاسۋ» ماعىناسىنداعى حابارلامالار جىبەرگەنى انىقتالدى.
دارىگەرلەر جاعدايىن اۋىر دەپ باعالاپ وتىر
قازىرگى ۋاقىتتا ءجاسوسپىرىم اۋرۋحانانىڭ جانساقتاۋ بولىمىندە جاتىر. وعان ميدىڭ شايقالۋى، سۇيەك سىنىقتارى جانە ىشكى اعزالاردىڭ جىرتىلۋى دياگنوزى قويىلدى. دارىگەرلەر ونىڭ جاعدايىن وتە اۋىر دەپ سيپاتتاپ وتىر.
بەلگىلى بولعانداي، وقۋشى ساباعىن جاقسى ۇلگەرىپ، ۇيىرمەلەرگە دە قاتىسقان. بۇعان دەيىن ونىمەن پروفيلاكتيكالىق جۇمىستار جۇرگىزىلگەنىمەن، اناسى پسيحولوگيالىق-پەداگوگيكالىق كومەكتەن باس تارتقان.
تەرگەۋ باستالدى
پوليسيا قىزمەتكەرلەرى وقيعانىڭ ءمان-جايىن انىقتاپ جاتىر. ق ر قىلمىستىق-پروسەستىك كودەكسىنىڭ 201-بابىنا سايكەس، تەرگەۋ مۇددەسىنە بايلانىستى وزگە اقپارات جاريالانبايدى. پوليسيا دەپارتامەنتى اتالعان دەرەك بويىنشا ق ر قىلمىستىق كودەكسىنىڭ 114-بابى 3-بولىگى بويىنشا ءىس قوزعادى.
-
قازاقستاننىڭ تۇڭعىش عارىشكەرى توقتار اۋباكىروۆ عارىشقا ساپارىندا وزىمەن بىرگە الىپ بارعان ەرەكشە زاتتارى تۋرالى ايتىپ بەردى.
-
اتىراۋ-يندەر تاس جولىنىڭ 0-10 شاقىرىمىندا جۇرگىزىلەتىن رەكونسترۋكسيا جۇمىستارىنا وراي كولىك قوزعالىسىنا ۋاقىتشا شەكتەۋ قويىلادى.
