Photo: Vitali Adutskevich (https://www.pexels.com/@vadutskevich) / Pexels
تارازدىق وقۋشى ۇبت-دان 140 بالل جيناپ، Mercedes نەمەسە پاتەر ۇتىپ الدى
تاراز قالاسىنىڭ وقۋشىسى نۋرگانات قانات ۇلتتىق ءبىرىڭعاي تەستىلەۋدە (ۇبت) 140 باللدىڭ 140-ىن جيناپ، ءابسوليۋتتى رەكورد ورناتتى. ەندى ونىڭ الدىندا كوپتەگەن قازاقستاندىق تۇلەكتەر ارماندايتىن تاڭداۋ تۇر: بيزنەس-كلاسس پاتەر، Mercedes E-Class اۆتوكولىگى نەمەسە 50 ميلليون تەڭگە اقشالاي سىياقى. بۇل سىيلىقتى نۋرگانات ءبىلىم العان JUZ40 ءبىلىم بەرۋ ورتالىعى ۇسىندى.
بۇل تۋرالى Infohub.kz اقپارات اگەنتتىگى حابارلايدى.
سىيلىقتاردىڭ ءتىزىمى
JUZ40 ءبىلىم بەرۋ ورتالىعىنىڭ شارتتارىنا سايكەس، نۋرگانات بيزنەس-كلاسس پاتەر، Mercedes E-Class اۆتوكولىگى نەمەسە 50 ميلليون تەڭگە اقشالاي سىياقىنىڭ ءبىرىن تاڭداي الادى.
سونىمەن قاتار، ورتالىق وقۋشىعا ءتورت جىل بويى اي سايىن 140 000 تەڭگە كولەمىندە شاكىرتاقى تولەۋگە مىندەتتەنەدى. ال ونىڭ اتا-اناسىنا 3 ميلليون تەڭگە كولەمىندە اقشالاي سىياقى بەرىلەدى.
نۋرگاناتتىڭ ءوزى نە دەيدى؟
«ۇبت-عا دايىندىق كەزىندە وزىمە ەڭ جوعارى بالل جيناۋدى ماقسات ەتتىم. مىنە، سول ماقساتىما جەتتىم. بۇل – كوپ جىلعى ەڭبەكتىڭ، وتباسىمنىڭ قولداۋىنىڭ جانە مۇعالىمدەرىمنىڭ ماعان دەگەن سەنىمىنىڭ ناتيجەسى»، – دەپ ءبولىستى تۇلەك.
140 بالل جيناۋ قانشالىقتى سيرەك
بيىلعى جىلى ۇبت-عا شامامەن 240 مىڭ تۇلەك قاتىسۋعا مۇمكىندىك الدى. تەستىنى ەكى رەت تاپسىرۋ مۇمكىندىگىن ەسكەرسەك، 446 مىڭنان استام ءوتىنىش قابىلداندى. تەستىلەۋ 10 شىلدەگە دەيىن جالعاسادى. وسىعان وراي، 140 بالل جيناۋ – ەرەكشە جەتىستىك.
JUZ40 دەگەن كىم؟
JUZ40 – 2018 جىلدان بەرى جۇمىس ىستەپ كەلە جاتقان EdTech ءبىلىم بەرۋ ورتالىعى. ول 10-11 سىنىپ وقۋشىلارىن ۇبت-عا دايىنداۋعا ماماندانعان.
-
اقتوبە وبلىسىنىڭ ىرعىز اۋدانىندا 84 جاستاعى اجەنى جەرلەۋ راسىمىندە بولعان وقيعا ەلدى ەلەڭ ەتكىزدى. جانازا سوڭى تويعا ۇلاسىپ، جينالعان جۇرتشىلىققا التىن، كىلەم، كيىم-كەشەك سياقتى باعالى زاتتار تاراتىلدى.
-
A Taraz student achieved a perfect score on the national unified testing، earning a chance to win a luxury apartment، a Mercedes، or a substantial cash prize.
