تاۋەلسىزدىك – تۇعىرىم!
ەلىڭنىڭ ۇلى بولساڭ، ەلىڭە جانىڭ اشىسا، ازاماتتىق نامىسىن بولسا، قازاقتىڭ ۇلتتىق جالعىز مەملەكەتىنىڭ نىعايىپ – كوركەيۋى جولىندا جان تەرىڭدى سىعىپ ءجۇرىپ ەڭبەك ەت. جەردىڭ دە، ەلدىڭ دە يەسى ءوزىڭ ەكەنىڭدى ۇمىتپا!
ن.نازاربايەۆ
تاۋەلسىزدىك-قاسيەتتى، كيەلى ۇعىم. ول اتا-بابالارىمىزدىڭ سان عاسىرلار بويى اڭساعان ارمانى، ءۇمىتى مەن سەنىمى. ول-ازاتتىقتىڭ التىن ارقاۋى، ەلدىگىمىزدىڭ مىزعىماس تۇعىرى.
كەشەگى جەلتوقساننىڭ ىزعارىندا نامىستى تۋ ەتىپ كوتەرگەن قازاق جاستارى توتوليتارلىق رەجيمگە قارسى شىعىپ، اق مۇزدا الاۋ جاققانى بيىك رۋحتىڭ، ەلجاندىلىقتىڭ جارقىن كورىنىسى. تاۋەلسىزدىككە جول اشقان ۇلت-ازاتتىق كوتەرىلىستىڭ سوڭعى سەرپىنى بولدى دەسەك قاتەلەسپەسپىز. وسىلايشا، كوكبورىدەي كيەسى بار، كوك تۇرىكتەي يەسى بار قازاق حالقىنىڭ ساعى سىنبادى، باعى جاندى. تاعدىرىمىزعا تاۋبە!
نەبىر قيلى زاماندى، «تار جول تايعاق كەشۋدى» باسىنان وتكەرگەن قازاق حالقىنا اللانىڭ مەيىرى ءتۇسىپ، ەگەمەندى ەل اتاندىق! 1991 جىلى 16-جەلتوقسانداعى «قازاقستان رەسپۋبليكاسىنىڭ مەملەكەتتىك تاۋەلسىزدىگى تۋرالى» كونستيتۋسيالىق زاڭى قابىلدانعانىنا دا، مىنە، بيىل-28 جىل تولماق. وسىناۋ جىلدار اياسىندا ەڭسەمىز بيىكتەپ، رۋحىمىز شالقي ءتۇستى. تورتكۇل دۇنيەگە «قازاق» دەگەن ۇلت، «قازاقستان» دەگەن مەملەكەت تانىلدى، وشكەنىمىز جانىپ، ولگەنىمىز ءتىرىلدى. شەكارامىز ايقىندالىپ، جەرىمىز تۇگەندەلدى.
قازىرگى تاڭدا تاۋەلسىزدىك — بارلىعىمىز ءۇشىن ەرەكشە قاسيەتتى كۇن. بىرلىكتىڭ، ىنتىماقتاستىق پەن تاتۋلىقتىڭ كۇنى. مەملەكەتىمىزدىڭ تاۋەلسىزدىگى — ەڭ الدىمەن حالقىمىزدىڭ باقىتى. سوندىقتان بۇگىنگى كۇنى حالقىمىز وتكەننەن قالعان تاريحي ونەگەنى، وتانسۇيگىشتىكتى، ۇلتىنا دەگەن ماحابباتتى جوعالتپاي، ءارى قاراي جاستاردىڭ پاتريوتتىق سەزىمىنە ەنگىزۋگە ەرەكشە كوڭىل ءبولۋى كەرەك دەپ ويلايمىن.
تاۋەلسىزدىگىمىزدى جاريالاعاننان بەرگى مەزگىل ىشىندە كوپتەگەن ەلەۋلى تابىستارعا قول جەتكىزدىك. ەلىمىزدىڭ تىنىشتىعى مەن قاۋىپسىزدىگى، كوپ ۇلتتى قازاقستان حالقىنىڭ جاراستىعى مەن ىنتىماقتاستىعى پرەزيدەنتىمىزدىڭ جۇرگىزىپ وتىرعان پاراساتتى كورەگەن ساياساتىنىڭ ناتيجەسى.
قازاقستان – قازاق حالقىنىڭ اتا-بابا مەكەنى، ەجەلگى قونىسى. ەلىمىز ولشەۋسىز تابيعات بايلىعىمەن عانا ەمەس، ەڭ الدىمەن سان ءتۇرلى ۇلتتاردان قۇرالعان حالقىمەن ەرەكشە ەكەنىن ۇمىتپاعان ابزال. بۇگىنگى بەيبىت تە شۋاقتى كۇندەردى باعالاي وتىرىپ، جاڭا بيىكتەردە ۇمتىلۋ – ءبىزدىڭ بۋىننىڭ باعىتى بولۋى ءتيىس. ەلىمىزدىڭ رۋحى كۇننەن – كۇنگە كوتەرىلىپ كەلەدى. جالپى ءبىز ءۇشىن تاۋەلسىزدىك – تۋ، تاۋەلسىزدىك - اۋا، جەر - سۋ، تاۋەلسىزدىك ەل داۋلەتى بولىپ تابىلادى تاۋەلسىزدىكتىڭ ارقاسىندا ەلدىگىمىزگە قۇت قونىپ، ىرىس ءۇيىرىلىپ، ورتاعا ۇلكەن سىباعا ءتۇسىپ تۇر.
قورىتا كەلە ايتارىم، قازاقستان ەرتەڭ كۇن شىعا قاۋىزى اشىلىپ، سوسىن جان - جاعىنا ادەمىلىك، سۇلۋلىق سىيلايتىن ءيسى جۇپار گۇلدەردەي جايناپ، قۇلپىرىپ كەتەرىنە وسى ەلدىڭ ازاماتى رەتىندە مەن كامىل سەنەمىن. ەندىگى ۇرپاقتىڭ ماقساتى مول بىلىممەن قارۋلانىپ، كەڭ - بايتاق جەرىمىزدى تەرىس پيعىلدى باسقىنشىلاردان قورعاۋ. تالاي جەردە قۇرساقتا جاتىپ، قۇربان بولىپ كەتە جازداعان تاۋەلسىزدىگىمىزدى پالە جالادان امان ساقتايىق، عۇمىرى ۇزاق بولعاي. ىنتىماعىمىز جاراسقان، بىرلىكتەگى ەل بولا بەرەيىك. بۇل مەن سياقتى مىڭداعان قازاق حالقىنىڭ تىلەگى. ەلىمىز امان، جۇرتىمىز تىنىش بولعاي!
تاۋەلسىزدىك الۋ – بۇل تەك باستاپقى قادام. وتانىمىزدىڭ بولاشاعى ءبىزدىڭ قولىمىزدا. ەگەر ءارقايسىمىز جانىمىزدىڭ ءبىر بولىگىن ەلىمىزگە بەرسەك، رەسپۋبليكامىز ودان ءارى دامي بەرەدى! ەلىمىزدەگى بۇكىل ۇلتتار بىرىكسە، جولىمىزدا كەزدەسەتىن بارلىق قيىندىقتاردى جەڭىپ شىعامىز!
اقتوبە وبلىسى حرومتاۋ اۋدانى
قارلاۋ بم ءمۇعالىمى
مۋحامبەتكالييەۆ دۋمان
You Might Also Like
-
مەنىڭ وتانىم – بەدەلدى، باتىل، باتىر، بىرلىگى، بايلىعى بار مەملەكەت!
-
رەسەي وتارلاۋشىلارىنىڭ قىسىمىنا شىداماعان قوجەكە قونىس اۋدارۋعا ءماجبۇر بولادى. قارقارادا وتىرعاندا اۋىل-داستارىن شاقىرىپ الىپ:
