شالقايما
رەسەي وتارلاۋشىلارىنىڭ قىسىمىنا شىداماعان قوجەكە قونىس اۋدارۋعا ءماجبۇر بولادى. قارقارادا وتىرعاندا اۋىل-داستارىن شاقىرىپ الىپ:
— قوتانىڭنان شىققانىڭ — وتانىڭنان شىققانىڭ ەمەس. ىلەنىڭ ارعى جاعى دا ءبىزدىڭ بابالارىمىزدىڭ اتا قونىسى. سوعان كوشەلىك. قىتايدىڭ كوزى قىسىق بولعانىمەن، ءوزى پىسىق، سوزگە تۇسىنەدى، — دەگەندە، ءبىرسىپىرا اعايىن كەلىسپەي، شالقايا تىڭداپ، تەرىس پىكىر بىلدىرەدى.
سوندا قوجەكە جاڭا ءبىر كۇي تارتادى.
تىڭداپ بولعاننىڭ ءبىرى:
— كوكە، بۇل قاي كۇيىڭىز؟ — دەيدى.
— «ەڭكەيگەنگە ەڭكەي، ول — ادامنىڭ ق ۇلى ەمەس، شالقايعانعا شالقاي — ول قۇدايدىڭ ۇلى ەمەس»، كۇيدىڭ اتى «شالقايما» — دەپتى.
سوندا بارىپ ءبىراز اعايىن قوجەكەنىڭ سوزىنە توقتاعان ەكەن.
You Might Also Like
-
ەلىڭنىڭ ۇلى بولساڭ، ەلىڭە جانىڭ اشىسا، ازاماتتىق نامىسىن بولسا، قازاقتىڭ ۇلتتىق جالعىز مەملەكەتىنىڭ نىعايىپ – كوركەيۋى جولىندا جان تەرىڭدى سىعىپ ءجۇرىپ ەڭبەك ەت. جەردىڭ دە، ەلدىڭ دە يەسى ءوزىڭ ە...
-
اسپان اينالىپ جەرگە تۇسكەندەي ىستىق. ەڭسەلى ءۇيدىڭ الدىنان بالالاردىڭ ايقاي-شۋى ەستىلەدى. وڭشەڭ ءبىر جالاڭاشتار. تەاتر ءۇيىنىڭ قيىر بەتىندەگى سۋى كوككە اتىلعان فونتانداردىڭ ماڭىندا قاراقۇرىم سۋعا شومى...
