InfoHub Logo

تاقىرىبى: «تاۋەلسىزدىكتى جىرلايىق»
ماقساتى: ا) وقۋشىلارعا قازاق حالقىنىڭ باسىنان وتكەن قيىن كەزەڭدەردى، تاريحي شەجىرەلەردى؛
ءا) ەلىنىڭ ەگەمەندىگى جولىندا حالقى ءۇشىن ءومىرىن قۇربان ەتكەن باتىرلاردىڭ ەرلىك ىستەرىن؛
ب) ەل قورعاۋدى ۇيرەتە وتىرىپ، پاتريوتتىق تاربيە بەرۋ.
كورنەكىلىگى: باتىرلاردىڭ سۋرەتتەرى، جەلتوقسان قۇرباندارىنىڭ سۋرەتتەرى مەن ءتىزىمى ىلىنگەن تاقتا، جەلتوقسان وقيعاسى جايلى دەرەكتى فيلم، وقۋشىلاردىڭ شىعارماشىلىق جۇمىستارى، پلاكاتتار:
«ەل قۋاتتى بولماي، قۋانىش تۇراقتى بولمايدى».
«تاۋەلسىز ەلدىڭ - تۇعىرى بيىك».
باعدارلاماسى:
1 - ءبولىم: تاۋەلسىزدىك جىر - شاشۋ.
2 - ءبولىم: تاۋەلسىزدىك جولىنداعى كۇرەس.
3 - ءبولىم: تاۋەلسىز قازاقستانىم.
بارىسى:
كىرىسپە ءبولىم:
ءمۇعالىم: بالالار! مىنە، كوپتەن كۇتكەن تاۋەلسىزدىك مەرەكەسى دە كەلىپ جەتتى. بۇل مەرەكە ەرەكشە، ءبىز تاۋەلسىزدىگىمىزدىڭ مۇشەل جاسقا تولعانىن تويلاعالى وتىرمىز. قازاق حالقىندا، وزدەرىن بىلەسىڭدەر مۇشەل توي دەگەن ۇلكەن مانگە يە. ءبىز سىزدەرگە وسى تاۋەلسىزدىك مەرەكەسىنە ارنالعان
«تاۋەلسىزدىكتى جىرلايىق» اتتى كونسەرتتىك باعدارلامامىزدى باستايىق

I. نەگىزگى ءبولىم. «جىر شاشۋ»
1 - باستاۋشى: قۇرمەتتى كورەرمەندەر، ەندىگى كەزەكتە ءبىز بۇگىنگى تاۋەلسىزدىك مەرەكەسىنە ارناپ، سىزدەرگە اقىن اعامىز تىنىشباي راحىمنىڭ ولەڭىن وقىپ بەرەيىك.
1 - وقۋشى:
تاۋەلسىزدىك اتىپ كوككە تەلپەگىن،
شاتتانعان جوق، ماقتانعان جوق ەل تەلپەگىن،
قازاعىمنىڭ تولعايىن ءبىر، سومدايىن
وتكەنىن دە، بۇگىنىن دە ەرتەڭىن
2 - وقۋشى:
بۇگىن اسقار الاتاۋداي الىپپىز،
اتىراۋداي تەرەڭ تۇيسىك - پارىقپىز
تاعدىرىنىڭ تاۋقىمەتىن ارقالاپ،
تالاي زامان سور قايناعان حالىقپىز.
3 - وقۋشى:
كەڭ بولعاندا كەم بولماۋدى ويلاپ ءبىز،
ۇلان بايتاق ساحارانى جايلاپپىز.
سوعىس جىلى مىلتىق ءۇنىن ەستىمەي،
بەيبىت كۇندە بومبا جارعان ايماقپىز.
4 - وقۋشى:
كەشە نۇرلى، بۇگىن مۇڭلى دالامىز،
ولسەك تە وسى دالامىزدا قالامىز.
انا ءتىلى ەندى شىققان ۇرپاقتان،
ءۇمىت كۇتكەن اكەمىز بەن انامىز.
5 - وقۋشى:
ۇلتتىق نامىس باستاۋ كوزىن اشقان – ءبىز،
حالقىمىزبەن، سالتىمىزبەن اسقارمىز
سەكسەن التى جەلتوقسانىن جاڭعىرتىپ،
«قازاق...» - دەگەن «ازات...» دەگەن جاستارمىز.
6 - وقۋشى:
ەڭسەلەنگەن اق وردامىز، ب ا ق - ءۇيىمىز،
بولاشاقتان باقىت كەيپىن تانيمىز.
الاقانىن كۇنگە سوزا تالپىنىپ،
ءوسىپ كەلە جاتقان بەيقام ءسابيمىز.
7 - وقۋشى:
قۇزىرىنا قول سۇقپايمىز كوپتىڭ ءبىز،
تۇنجىراعان ءتۇن ەمەسپىز، تەك كۇنبىز.
ەلدىگىمىز كەڭ الەمگە تانىلىپ،
جەلبىرەگەن اسپان تۇستەس كوك تۋمىز.
8 - وقۋشى:
تالاي زۇلمات سوردى باستان كەشتىك ءبىز،
مومىن ەلمىز، مومىن جەردە وستىك ءبىز.
اق نيەتپەن كەلگەنگە دە، كەتكەنگە
اينىماسقا قولىن سوزعان دوستىقپىز.