تەكتىدەن تەكتى تۋار
اباي ۇلى تۇراعۇل اقىننىڭ سۇيگەن جارى ايگەرىمنەن تۋعان، 1875 جىلى ابايدىڭ وتىز جاسىندا دۇنيەگە كەلگەن بالاسى. جاسىندا اۋىل مولداسىنان وقىپ، مۇسىلمانشا، ورىسشا ساۋاتىن اشقان. اباي ۇيىندە وتكەن كەلەلى كەشتەر مەن اڭگىمە كەڭەسىنە قاتىسىپ، جاسىنان رۋحاني قازىناسى قۇنارلى بولۋىنىڭ ۇستىنە كەيىننەن وزدىگىنەن ىزدەنىپ ورىسشا، ارابشا وقىپ ءبىلىمىن جەتىلدىرگەن.
اباي قايتىس بولعان سوڭ اكەسى تۋرالى العاش رەت ەستەلىك جازىپ قالدىرعان تۇراعۇل ەدى. ول م.اۋەزوۆكە «اكەم تۋرالى» دەگەن كولەمدى ەستەلىك جازىپ بەرگەن. ول ەستەلىكتەردىڭ قىسقاشا نۇسقاسى 1933، 1939-1940 جىلدارى اباي شىعارمالارى جيناعىندا، باسپا ءسوز بەتتەرىندە جاريالانعان. بۇل ەستەلىكتىڭ كەي تۇستارىن م.اۋەزوۆ «اباي جولى» ەپوپەياسىن جازعاندا مىقتاپ پايدالانعان.
ول ءا.بوكەيحان، م.دۇلات ۇلى، ج.ايماۋىتوۆ سىندى الاش قايراتكەرلەرىمەن تىعىز قارىم-قاتىناستا بولعان. 1909 جىلى نەمەرە اعاسى كاكىتايمەن بىرگە پەتەربۋرگتە ابايدىڭ شىعارمالار جيناعىن كىتاپ ەتىپ شىعاردى.
1928 جىلى شىمكەنتكە جەر اۋدارىلعان تۇراعۇل بىرنەشە جىل اۋىر ازاپ كورىپ، 1934 جىلى دۇنيەدەن ءوتتى.
You Might Also Like
-
31 مامىر — ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنى. بۇل قاۋلى 1997 جىلى قابىلدانعان.
-
ادامداردىڭ اراسىندا كومەككە ەڭ مۇقتاج بولعاندار — تۋىلا سالىپ جالعىز جانە مۇقتاج بولىپ قالعان جەتىم بالالار. ولارعا قامقور بولۋ، قاجەتتىلىكتەرىن ورىنداۋ، مۇسىلمانداردىڭ نەگىزگى مىندەتتەرىنىڭ ...
