InfoHub Logo

قازاقستاننىڭ ايىرباستاۋ پۋنكتتەرىندە دوللار باعامى تومەندەۋىن جالعاستىرۋدا. بۇل تۋرالى Tengrinews.kz ءتىلشىسى حابارلايدى.

بۇل تۋرالى Infohub.kz اقپارات اگەنتتىگى حابارلايدى.

6 ساۋىردەگى دوللار باعامى

ساعات 11:20-داعى مالىمەت بويىنشا، استاناداعى ايىرباستاۋ پۋنكتتەرىندە دوللاردى ورتاشا ەسەپپەن 471 تەڭگەدەن ساتۋدا، 464 تەڭگەدەن ساتىپ الۋدا. الماتىدا امەريكاندىق ۆاليۋتانى ساتۋ 467 تەڭگە بولسا، ساتىپ الۋ باعاسى ورتاشا ەسەپپەن 464 تەڭگەنى قۇرادى.

ايتا كەتەيىك، 3 ساۋىردە قازاقستان قور بيرجاسى (KASE) كۇندىزگى ساۋدا قورىتىندىسى بويىنشا دوللاردىڭ ورتاشا سارالانعان باعامى 1،96 تەڭگەگە تومەندەپ، 470،46 تەڭگە بولدى.

سول كۇنى استاناداعى ايىرباستاۋ پۋنكتتەرىندە دوللاردى ورتاشا ەسەپپەن 474 تەڭگەدەن ساتسا، 467 تەڭگەدەن ساتىپ الدى. الماتىداعى ايىرباس پۋنكتتەرىندە دوللاردىڭ ورتاشا ساتۋ باعامى 471،21 تەڭگە، ساتىپ الۋ باعامى 468،55 تەڭگە بولدى.

6 ساۋىرگە رەسمي باعام

ۇلتتىق بانكتىڭ 6 ساۋىرگە بەلگىلەنگەن رەسمي باعامى – 470،46 تەڭگە.

تەڭگە باعامىنا نە اسەر ەتەدى؟

بۇعان دەيىن جۋرناليستەر ۇلتتىق بانك ءتوراعاسى تيمۋر سۇلەيمەنوۆتەن نەگە دوللار باعامىنىڭ تومەندەپ جاتقانىن جانە بۇل قازاقستاندىقتارعا قالاي اسەر ەتەتىنىن سۇراعان بولاتىن. ول ۇلتتىق ۆاليۋتانىڭ نىعايۋىن ەلىمىزدىڭ نەگىزگى ەكسپورتتىق تاۋارى – مۇنايدىڭ (ەكسپورتتىق ءتۇسىمنىڭ 50 پايىزدان استامى) باعاسىنىڭ وسۋىمەن بايلانىستىردى. بۇل نارىقتاعى ۆاليۋتا ۇسىنىسىن ارتتىرىپ، ناتيجەسىندە دوللار باعامىنىڭ تومەندەۋىنە اكەلدى.

سۇلەيمەنوۆ ۇلتتىق بانكتىڭ ينۆەستيسيالىق كەڭەس بەرمەيتىنىن جانە قازاقستاندىق تەڭگەنىڭ تۇراقتىلىعىن دالەلدەگەنىن اتاپ ءوتتى. وتكەن جىلدىڭ قورىتىندىسى بويىنشا تەڭگە جوعارى كىرىستىلىك كورسەتىپ، الەمدەگى ەڭ قىزىقتى ۆاليۋتالاردىڭ ءبىرى رەتىندە تانىلدى. بۇل ينۆەستيسيالاردى تارتۋعا ىقپال ەتەدى.

بۇعان دەيىن ۇلتتىق بانك تەڭگەنىڭ اعىمداعى ديناميكاسى 2026 جىلدىڭ باسىنان بەرى بايقالىپ وتىرعان ۇلتتىق ۆاليۋتانىڭ جالعاسىپ جاتقان نىعايۋىن كورسەتەتىنىن تۇسىندىرگەن بولاتىن. اقپان ايىندا بۇل ءۇردىس ايتارلىقتاي كۇشەيدى. ۇلتتىق بانك مالىمدەگەندەي، نىعايۋ وبەكتيۆتى نارىقتىق فاكتورلارعا بايلانىستى، جەكەلەگەن سىرتقى وقيعالارعا قىسقا مەرزىمدى رەاكسيا ەمەس.

ۇلتتىق بانك يكەمدى باعام ساياساتىن ۇستانۋدى جالعاستىراتىنىن، بۇل تەڭگەرىمسىزدىكتەردى بولدىرماۋعا جانە التىن-ۆاليۋتا رەزەرۆتەرىن ساقتاۋعا كومەكتەسەتىنىن ايتتى.

ەستەرىڭىزگە سالا كەتەيىك، 6 ناۋرىزدا قازاقستان ۇلتتىق بانكى بازالىق مولشەرلەمە بويىنشا شەشىم قابىلداعان بولاتىن. ول جىلدىق 18 پايىز دەڭگەيىندە، +/- 1 پايىزدىق تارماق دالىزىمەن ساقتالدى.