تەڭىز بالدىرلارىنان جاسالعان وتىن
عالىمدار تەڭىز بالدىرلارىنىڭ قۇرامىنداعى شەكەردى وتىنعا (جانارمايعا) اينالدىراتىن تەحنيكا ويلاپ تاپتى. الداعى 3-4 جىل ىشىندە تەڭىز بالدىرلارىنان الىناتىن جانارمايلار كولىك تۇرلەرىنە قولدانىمعا وتەدى دەپ بولجانۋدا. جۇگەرى نەمەسە شەكەر قامىسى سياقتى ءارتۇرلى وسىمدىكتەردەن الىناتىن بيووتىن ونسىزدا قازىرگى تاڭدا قولدانىلۋدا. سونىمەن قاتار ازىق-تۇلىك رەتىندە دە قولدانىلۋدا. بۇلاردى ءوندىرۋ ءۇشىن كوپ مولشەردە ەگىستىك جەر، تازا سۋ جانە تىڭايتقىش قاجەت. الايدا تەڭىز بالدىرىن ءوسىرۋ ءۇشىن بۇلاردىڭ ەشبىرى قاجەت ەمەس.
بيوارحيتەكتۋر لابوراتورياسىنداعى جانە ۆاشينگتون ۋنيۆەرسيتەتىندەگى زەرتتەۋشىلەر ميكروبتاردا الگينات بولشەكتەۋشى گەندەردى تابۋدى جانە بۇلاردى E.coli باكتەرياسىنا قوسۋدى جۇزەگە اسىردى. ەرەكشە تۇردە جەتىلدىرىلگەن وسى E.coli باكتەرياسى قوڭىر ءتۇستى تەڭىز بالدىرلارىنان بيوەتانول ءوندىرىلۋىن قامتاماسىز ەتەدى. بيوەتانولدى بەنزينگە ارالاستىرۋعا بولادى جانە از عانا وزگەرتىپ نەمەسە مۇلدەم وزگەرتپەستەن اۆتوكولىكتەردە قولدانۋعا بولادى. بۇل ماسەلەدەگى ەڭ كۇردەلى كەدەرگى، تەڭىز بالدىرلارىن جەتكىلىكتى مولشەردە وندىرە الۋدى قامتاماسىز ەتۋ. جەۋ ءۇشىن جىلدا بىرنەشە توننا ەگىلەدى ەكەن، ءبىراق تەڭىز بالدىرى وتىن رەتىندە قولدانىلاتىن بولسا ميللياردتاعان توننا ءوندىرۋ قاجەت بولادى.
You Might Also Like
-
فرانسيا يمپەراتورى 3ء-شى ناپولەون ءوز زاماناسىندا دۇنيەنىڭ ەڭ ادەمى ايەلى سانالعان تەبا گرافينياسى ماريا ەۆگەنيامەن ۇيلەنۋگە شەشىم قابىلداعانىن جاريالاعانىندا كوپشىلىكتىڭ تاڭدانىسىمەن نارازىلىعىن تۋعى...
