InfoHub Logo

تەڭىزباي قالاسىندا قوعامدىق كولىكتە جولاۋشى مەن جۇرگىزۋشى اراسىندا جانجال تۋىندادى. جۇرگىزۋشىنىڭ جولاۋشىعا قول كوتەرگەنى تۋرالى ۆيدەو الەۋمەتتىك جەلىدە تاراپ، كوپشىلىكتىڭ نازارىن اۋداردى.

بۇل تۋرالى Infohub.kz اقپارات اگەنتتىگى حابارلايدى.

ۆيدەودا اۆتوبۋس جۇرگىزۋشىسىنىڭ جولاۋشىعا اشۋلانىپ، ونى كولىكتەن تۇسىرمەك بولعانى كورىنەدى. جۇرگىزۋشىنىڭ جولاۋشىعا قاتىستى ايتقان سوزدەرى دە جاعىمسىز اسەر قالدىردى. جەلىدەگى اقپاراتقا سۇيەنسەك، جولاۋشى تاراپىنان ەشقانداي ارانداتۋ بولماعان.

پوليسيا ارالاستى

ايماقتىق پوليسيا دەپارتامەنتىنىڭ باسپا ءسوز قىزمەتى ۆيدەوعا قاتىستى پىكىر ءبىلدىردى. ولاردىڭ ايتۋىنشا، جانجالعا جولاۋشىنىڭ اۆتوبۋس ىشىندە تاماق ىشكەنى سەبەپ بولعان. جۇرگىزۋشى بۇعان نارازىلىق ءبىلدىرىپ، جولاۋشىنى اۆتوبۋستان شىعىپ كەتۋىن تالاپ ەتكەن.

اكىمشىلىك جاۋاپكەرشىلىك

«20 جاستاعى جولاۋشى ءوزىنىڭ ارتىن تازالاپ، ءوز ەركىمەن شىعىپ كەتكەنى انىقتالدى. سونداي-اق، ءسوز تالاسى كەزىندە جۇرگىزۋشىنىڭ قوعامدىق ءتارتىپتى بۇزاتىن سوزدەر ايتقانى تىركەلدى. پوليسيا قىزمەتكەرلەرى ەر ادامنىڭ جەكە باسىن انىقتادى – ول 43 جاستاعى جەرگىلىكتى تۇرعىن بولىپ شىقتى. وعان قوعامدىق ورىندا بالاعات سوزدەر ايتقانى ءۇشىن بۇزاقىلىق فاكتىسى بويىنشا اكىمشىلىك حاتتاما تولتىرىلدى. ماتەريالدار سوتقا جىبەرىلدى»، - دەپ حابارلادى ۆەدومستۆونىڭ باسپا ءسوز قىزمەتى.

پوليسيا قوعامدىق كولىكتەگى مىنەز-قۇلىق ەرەجەلەرىن ساقتاۋ بارلىعىنا مىندەتتى ەكەنىن ەسكە سالدى. الايدا، كەز كەلگەن جانجالدى زاڭ اياسىندا شەشۋ كەرەكتىگىن اتاپ ءوتتى.

بۇعان دەيىن تەڭىزبايدىڭ باسقا اۆتوبۋس جۇرگىزۋشىسىنىڭ ەرەكشە قاجەتتىلىكتەرى بار 20 جاستاعى تۇرعىندى كولىكتەن قۋىپ شىققانى تۋرالى ۆيدەو دا جەلىدە تالقىلانعان بولاتىن. سول جانجالدان كەيىن جىگىت ءىز-تۇزسىز جوعالىپ، ىزدەۋ جاريالانعان ەدى. كەيىننەن جاس جىگىتتى پوليسيا تاپقان.