InfoHub Logo

TikTok-تاعى تانىمالدىلىعىمەن ەلگە تانىلعان الماتى وبلىسىنداعى مەكتەپ ديرەكتورى اقمونشاق نۇرتازا قىزمەتىنەن كەتكەنىن مالىمدەدى. بۇل تۋرالى ول ءوزىنىڭ Instagram پاراقشاسىندا:

 «ءبارىن توقتاتتىم. مەكتەپ، الەۋمەتتىك جەلى»
– دەپ جازدى.

اقمونشاق نۇرتازا بۇعان دەيىن ديماش قۇدايبەرگەننىڭ «تاۋ ىشىندە» انىنە تۇسىرىلگەن بەينەروليگىمەن TikTok-تاعى چەللەنجگە قاتىسىپ، 3،1 ميلليون قارالىم جيناعان. وسى جەتىستىگى وعان لوندوندا وتەتىن كونسەرتكە جولداما سىيلاعان. الەۋمەتتىك جەلىلەردە بەلسەندىلىك تانىتىپ، وقۋشىلارمەن بەيرەسمي فورماتتا كەزدەسۋلەر وتكىزىپ، ءتۇرلى جوبالاردى جۇزەگە اسىرعان.

الايدا بۇل ارەكەتتەر قوعام تاراپىنان ەكىۇشتى پىكىر تۋدىردى. جەلى قولدانۋشىلارىنىڭ ءبىر بولىگى ونى «بالالارعا جاقىن، جاڭاشىل ديرەكتور» دەپ قولداسا، ەندى ءبىرى «مەكتەپكە شوۋ ەمەس، تاربيە مەن ءبىلىم كەرەك» دەپ قارسى پىكىر ءبىلدىردى.

كەيبىر قولدانۋشىلار اقمونشاق نۇرتازانىڭ مۇنداي شەشىم قابىلداۋىنا قوعامدىق قىسىم سەبەپ بولۋى مۇمكىن ەكەنىن بولجاۋدا:

«قىسىم بولعانى انىق، تەز سىناتىن قىز ەمەس ەدى»،
«بۇل قازاقستانعا بۇنداي ديرەكتورلار جاقپايدى»،
دەگەن پىكىرلەر ءجيى ايتىلۋدا.