InfoHub Logo

ەرتەڭگىلىك: ءتىل مەرەكەسى
جۇرگىزۋشى: - قايىرلى كۇن، قۇرمەتتى انا ءتىلىمىزدىڭ مەرەكەسىنە جينالعان قاۋىم. ءتىل مەرەكەسىنە وراي وتكىزگەلى وتىرعان مەرەكەلىك ەرتەڭگىلىگىن باستاۋعا رۇقسات ەتىڭىزدەر. بۇل مەرەكەمىز ەلباسىمىز «ن. ءا. نازاربايەۆتىڭ 22 قىركۇيەك ءتىل مەرەكەسى كۇنى بولىپ اتاپ ءوتىلسىن دەگەن باستاۋىن قولداپ، مەرەكەگە جينالىپ وتىرسىزدار. ياعني 1997جىلى 22 قىركۇيەك كۇنى قابىلدانعان قازاقستاننىڭ ءتىل تۋرالى زاڭىندا رەسپۋبليكا حالىقتارىنىڭ تىلدەرىن قولداۋ مەن دامىتۋ قۇقىعىنىڭ نەگىزى بەكىتىلگەن.

1 - جۇرگىزۋشى: بالالار قۇتتى بولسىن ءتىلىڭ بۇگىن
اشاتىن جان سارايىن بىلىمدەرىنىڭ
كەشەگى اناڭ ايتقان، باباڭ ايتقان
تىلىڭە زەر سالىڭدار بۇرىنعىنىڭ.

2 - جۇرگىزۋشى: ءاربىر تىلدە سويلە الەمدى تاڭ قىلىپ،
انا ءتىلىن بىلمەۋ قانداي زاڭدىلىق.
وسەر بالاڭ، بايتاق دالاڭ تۇرعاندا.
قازاق ءتىلى جاساۋ كەرەك ماڭگىلىك.

1 - بالا قازاق ءتىلىم ءوز ءتىلىم، انا ءتىلىم
اباي، مۇحتار سويلەگەن دانا ءتىلىم.
قاستەرلەيدى ۇل - قىزىڭ ماڭگى سەنى
بولاشاعىم، باقىتىم دارا ءتىلىم.

2 - بالا انا ءتىلىڭ ءبىلىپ قوي،
ەركىندىگىڭ، تەڭدىگىڭ.
انا ءتىلىڭ ءبىلىپ قوي،
ماقتانىشى ەلىمنىڭ.

3 - بالا انا ءتىلىڭ ارىڭ بۇل
ۇياتىڭ بوپ تۇر بەتتە
وزگە ءتىلدىڭ ءبارىن ءبىل،
ءوز ءتىلىڭدى قۇرمەتتە.

4 - بالا بۇل گۇلدەنىپ جايناعان
گۇلستاندار وتانى!
ءبىرىن - ءبىرى سىيلاعان
تۋىسقاندار وتانى!
بۇل عاجايىپ مۇراتتى
حالىقتاردىڭ وتانى!
التىن زامان قۇراتىن
الىپتاردىڭ وتانى!
سول الىپتىڭ ءبىرىمىن -
وتانىمنىڭ ۇلىمىن!
ءتىلىم، ءدىنىم، سامعاعان، شارىقتاسىن
سامعاۋدان ەش ۋاقىت جالىقپاسىن
ءوز الدىندا ومىردەن تەڭدىك العان
انا ءتىلىم كوگىمدە قالىقتاسىن.

جۇرگىزۋشى: قۇلاقتان كىرىپ، بويدى الار
اسەم ءان مەن ءتاتتى كۇي
كوڭىلگە سىرلى وي سالار
ءاندى سۇيسەڭ مەنشە ءسۇي - دەپ اباي اتامىز ايتقانداي كەلەسى كەزەكتى اسەم انگە بەرەيىك
ءان توپ: انا - ءتىلىن سۇيەمىز
جۇرگىزۋشى: بالالار، بىزگە قوناق كەلگەن سياقتى، قانە، ءبارىمىز قوشەمەتتەپ قارسى الايىق. /مۋز. اۋەنىمەن زالعا ارۋ انا كىرەدى.

ارۋ انا: - سالەمەتسىڭدەر مە بالالار، قۇرمەتتى قوناقتار! مەن ارۋانامىن! Cەندەردىڭ بالاباقشالارىڭدا ءتىل مەرەكەسى بولىپ جاتقانىن ەستىپ، سەندەرگە قوناققا كەلدىم! بۇل جەرگە ءار ۇلتتىڭ وكىلدەرى جينالىپتى عوي! قانداي كەرەمەت دەسەڭشى! ءبارى ءبىر - بىرىمەن تاتۋ - ءتاتتى!

جۇرگىزۋشى: سالەمەتسىز بە، ارۋ انا! ءبىزدىڭ مەرەكەگە قوش كەلدىڭىز! جوعارى شىعىڭىز! ءبىزدىڭ ءتىل مەرەكەمىزگە ءار ۇلت وكىلدەرى قۇر كەلمەي ءوز ونەرلەرىن الا كەلىپتى.

قىزىلوردا قالاسى
№7 مەكتەبىنىڭ باستاۋىش سىنىپ ءمۇعالىمى
ايتماحانوۆا بەكسايا مەيرامبەك قىزى
ءتىل مەرەكەسى. جۇكتەۋ