ءتىل تانىم - يران تىلىنەن ەنگەن سوزدەر
اسپان
اسپان اشىق، كۇن تىمىق،
كۇرەدىك قاردى قۇلشىنىپ.
وسى اسپان ءسوزى دە،
ءبىزدىڭ تىلگە كەزىندە.
كىرىپتى يران تىلىنەن،
ماعىناسى “اۋە” ەكەن.
وسىنى بۇگىن ءبىلدىم مەن.
اراي
عاسىرلار بويى سانداعان،
كونەرىپ، ۇمىت قالماعان.
كوپ ءسوزدىڭ ءبىرى اراي-دى،
تامساندىرعان تالايدى،
قوسادى اقىن جىرىنا،
بىلگەنىڭ ءجون مۇنى دا.
وسى ءسوز قازاق قىرىنا،
جەتىپتى يران جەرىنەن.
شۇعىلاسىن توگىپ تۇر بۇگىن،
ءتىلىمنىڭ اسقاق تورىنەن.
اس
«اس ادامنىڭ ارقاۋى،
سابىرلىق كەرەك زاتىندا».
بۇل ماقال التاي، ارقاعا،
بەيتانىس ەمەس زاتىندا.
تاعام عوي اسقا بالاما،
“اس” ءسوزىن جات ساناما.
ارۋاق ىرزا بولسىن دەپ،
اس بەردى ەل باباعا.
الاۋ
الاۋلاپ جانعان وتتايىن،
جالىنداپ ءبىراز توقتايىن.
جىلىلىق جۇرتقا تاراسىن،
قىزۋى قايتپاس شوقتايىن.
استانا
«استانا»
باسقا دا،
سوزدەردەي
تىلىمە ءوڭ بەرگەن،
شىققانىن قاي تىلدەن.
ءبىلۋدى ءجون كورگەم،
ىزدەدىم سوزدىكتەن،
سوندا عوي ءسوز بىتكەن.
تاپتىق تا،
تالاسپا.
اپتىقپا،
سىڭىسكەن الاشقا،
ءسوزى بۇل يراننىڭ.
استانا- باس قالا،
مەملەكەت كىندىگى.
باعىنار ايماقتار.
دەگەن-دى ايعاقتار.
سۇلەيمەن بايازيتوۆ
You Might Also Like
-
حالىق سانىنىڭ ديناميكاسى. حالىقتى زەرتتەۋ حالىق سانى، تۋۋ، ءولىم جانە تابيعي ءوسىمدى تالداۋدان باستالادى. بۇل سۇراقتار تولىق جانە ناقتى دەموگرافيامەن زەرتتەلەدى، ال حالىق گەوگرافياسى ولاردى كەڭىستىك،...
