توقايەۆ: “ءبىز تاعدىردان تەپەرىش كوردىك دەگەن ويدان ارىلۋىمىز قاجەت”
پرەزيدەنت قاسىم-جومارت توقايەۆ 31 مامىر – ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنىنە ارنالعان ءىس-شارادا تاريحي جادى مەن بولاشاق باعدار جونىندە ماڭىزدى مالىمدەمە جاسادى.
“بۇگىنگى احۋالعا وتكەننىڭ ولشەمىمەن قاراپ، ۇنەمى كەشەگى كۇنمەن ءومىر سۇرۋگە بولمايدى. ءبىز تاعدىردان تەپەرىش كوردىك دەگەن ويدان ارىلۋىمىز قاجەت. وتكەنگە جالتاقتاۋ – السىزدىكتىڭ بەلگىسى”، – دەدى مەملەكەت باسشىسى.
پرەزيدەنت قازاق حالقىنىڭ تاۋەلسىزدىككە جەتۋ جولىندا باستان وتكەرگەن سىناقتارى مەن تاريحي ساباقتارعا توقتالىپ، العا قاراي نىق قادام باسۋ كەرەكتىگىن باسا ايتتى.
“تاريحقا كەڭ اۋقىمدا قاراۋ كەرەك. تاۋەلسىزدىك – بارىنەن قىمبات. جالپىۇلتتىق بىرلىكتى ساقتاۋ، مەملەكەتتىكتى نىعايتۋ – باستى مىندەت. وتكەندى ۇمىتپاي، تاريحقا قۇرمەتپەن قاراۋ – دۇرىس، ءبىراق ءبىزدىڭ باعىتىمىز – بولاشاق”، – دەدى توقايەۆ.
You Might Also Like
-
اتىراۋدا 1 كەلىدەن استام سينتەتيكالىق ەسىرتكى تاراتپاق بولعان تۇرعىن ۇستالدى،دەپ جازادى ينفوحاب.
-
قازاقستاندىق تەننيسشىلەر الەكساندر شيەۆچەنكو مەن الەكساندر بۋبليك فرانسيادا ءوتىپ جاتقان رولان گارروس ءتۋرنيرىنىڭ ءبىرىنشى اينالىمىندا ءساتتى ونەر كورسەتتى.
