InfoHub Logo

پرەزيدەنت قاسىم-جومارت توقايەۆ سالىق رەفورماسىنا قاتىستى ناقتى ۇستانىمىن مالىمدەدى. ونىڭ ايتۋىنشا، جاڭا سالىق كودەكسى كاسىپكەرلەر مەن مەملەكەتتىڭ مۇددەسىن تەڭ دەڭگەيدە ەسكەرىپ، تۇسىنىكتى ءارى ءادىل جۇيەگە اينالۋعا ءتيىس.

«ءبىز سالىق ساياساتىن قاتاڭداتۋدى كوزدەپ وتىرعان جوقپىز. كەرىسىنشە، ونى رەتكە كەلتىرەمىز. قازىرگى كودەكس تىم كۇردەلى، ءتۇرلى جەڭىلدىكتەر مەن رەجيمدەردىڭ كوپتىگى بيزنەس قاۋىمداستىعىندا تەڭسىزدىك تۋعىزدى. بىرەۋگە ءتيىمدى، ال ەندى بىرىنە كەرىسىنشە – ادىلەتسىز جاعداي قالىپتاسۋدا. مۇندايعا جول بەرۋگە بولمايدى»، – دەدى پرەزيدەنت.

مەملەكەت باسشىسى جاڭا سالىق كودەكسى كاسىپكەرلەردى سالىقتان جالتارۋعا ەمەس، كەرىسىنشە، ونى اشىق تولەۋگە ىنتالاندىراتىنىن اتاپ ءوتتى. سالىق تۇسىمدەرى ەسەبىنەن جاڭا مەكتەپتەر مەن اۋرۋحانالار سالۋ، ينفراقۇرىلىم دامىتۋ سەكىلدى باستامالار جۇزەگە اسادى.

«اشىق جانە تۇراقتى سالىق جۇيەسى – ينۆەستيسيا تارتۋدىڭ، ەكونوميكا ءوسىمىنىڭ كەپىلى. بۇل – ەڭ الدىمەن حالىقتىڭ ءال-اۋقاتىن ارتتىرۋعا جول اشادى»، – دەدى توقايەۆ.