InfoHub Logo

مەملەكەت باسشىسى قاسىم-جومارت توقايەۆ تۇركىستان وبلىسىنىڭ اكىمى نۇرلان جاقىپوۆتى قابىلدادى. پرەزيدەنت ءوڭىردىڭ الەۋمەتتىك-ەكونوميكالىق دامۋى مەن الداعى كەزەڭگە ارنالعان جوسپارلارى تۋرالى ەسەپ تىڭدادى.

بۇل تۋرالى Infohub.kz اقپارات اگەنتتىگى حابارلايدى.

ءوڭىردىڭ ەكونوميكالىق كورسەتكىشتەرى

اكىمنىڭ مالىمەتىنشە، ءوڭىر ەكونوميكاسىنىڭ ءوسىمى 113،9 پايىزدى قۇراعان. مەملەكەتتىك بيۋدجەتكە تۇسكەن سالىق كىرىستەرى 1 تريلليون تەڭگەگە جەتكەن. 2025 جىلى وبلىس ەكونوميكاسىنا 1،7 تريلليون تەڭگە ينۆەستيسيا تارتىلعان، ونىڭ 1،4 تريلليونى – جەكە ينۆەستيسيالار. تىكەلەي شەتەلدىك ينۆەستيسيالار كولەمى 1،4 ميلليارد دوللارعا جەتكەن.

وتكەن جىلى 340 ميلليارد تەڭگەگە 58 ينۆەستيسيالىق جوبا ىسكە اسىرىلىپ، 8 مىڭنان استام جۇمىس ورنى اشىلعان.

يندۋستريا جانە اۋىل شارۋاشىلىعى

وڭىردە 21 يندۋستريالىق ايماق جۇمىس ىستەيدى. «تۇران» ارنايى ەكونوميكالىق ايماعىندا 315 ميلليارد تەڭگەگە 26 جوبا جۇزەگە اسىرىلۋدا.

اۋىل شارۋاشىلىعىندا ماقتا-ماتا، جۇگەرى جانە مال شارۋاشىلىعى كلاستەرلەرى دامىتىلۋدا. بۇل كلاستەرلەر تولىق ىسكە قوسىلعاننان كەيىن 2027 جىلعا دەيىن اۋىل شارۋاشىلىعى ءونىمىنىڭ كولەمى 479،5 ميلليارد تەڭگەگە ارتادى دەپ كۇتىلۋدە.

الەۋمەتتىك سالا مەن جۇمىسپەن قامتۋ

سوڭعى ءۇش جىلدا اتاۋلى الەۋمەتتىك كومەك الۋشىلار سانى ەكى ەسە ازايعان. جۇمىسپەن قامتۋ شارالارىمەن 148 مىڭ ادام قامتىلىپ، جۇمىسسىزدىق دەڭگەيى 4،6 پايىزدى قۇراعان.

سونداي-اق، ءبىلىم بەرۋ، دەنساۋلىق ساقتاۋ، مادەنيەت نىساندارىنىڭ قۇرىلىسى، جول ينفراقۇرىلىمىن دامىتۋ، گازداندىرۋ جانە اۋىز سۋمەن قامتاماسىز ەتۋ جۇمىستارى تۋرالى اقپارات بەرىلدى.

پرەزيدەنتتىڭ تاپسىرمالارى

كەزدەسۋ قورىتىندىسى بويىنشا قاسىم-جومارت توقايەۆ ينۆەستيسيا تارتۋ، اۋىل شارۋاشىلىعى مەن ونەركاسىپتى دامىتۋ جۇمىستارىن جالعاستىرۋدى تاپسىردى. مەملەكەت باسشىسى حالىقتىڭ ءومىر ءسۇرۋ ساپاسىن ارتتىرۋعا، جاڭا جۇمىس ورىندارىن اشۋعا جانە ينفراقۇرىلىمدى دامىتۋعا ەرەكشە نازار اۋدارۋ قاجەتتىگىن اتاپ ءوتتى.