InfoHub Logo

بەلگىلى ءانشى ايدانا مەدەنوۆا جۇبايى اليشەر ەكەۋىنىڭ وتباسىلىق ءومىرى تۋرالى بۇرىن كوپشىلىككە بەيمالىم جايتتاردى اقتاردى. ءانشىنىڭ ايتۋىنشا، جولداسىمەن تانىسقاندا ول بويداق بولعان، ءبىراق بۇرىن ۇيلەنىپ، اجىراسقان جانە ەكى بالاسى بار ەكەنىن كەيىن بىلگەن.

بۇل تۋرالى Infohub.kz اقپارات اگەنتتىگى حابارلايدى.

وتباسىلىق جاعداي تۋرالى اشىق ايتتى

ايدانا مەدەنوۆا جۋرناليست امان تاسىعانعا بەرگەن سۇحباتىندا بۇل جايتتى قالاي شەشكەنىن باياندادى. جىگىتتىڭ بۇرىنعى نەكەسى مەن بالالارى بار ەكەنىن بىلگەندە، ءانشىنىڭ وزىندە دە سۇراقتار تۋىنداپتى. الايدا، اكەسىمەن اقىلداسقاننان كەيىن، ونىڭ قولداۋىمەن اليشەرگە تۇرمىسقا شىعۋعا شەشىم قابىلداعان.

«مەن اليشەرمەن تانىسقاندا ول بويداق ەدى، وزىمەن-وزى جۇرگەن جىگىت بولدى. ءتورت جىل بۇرىن ۇيلەنگەن ەكەن، ءبىراق ايىرىلىسىپ كەتكەن. سول كەزدە ونىڭ ەكى بالاسى بار ەكەنىن ءبىلدىم. ارينە، مەندە دە سۇراقتار بولدى: “قالاي بولادى؟ كەرەك پە، كەرەك ەمەس پە؟” دەپ ويلاندىم. سوسىن اكەمە حابارلاسىپ، ءبارىن اشىق ايتتىم. “وسىنداي جىگىت بار. وي-نيەتى سالماقتى، وزىمە ۇنايدى. جاقسى ادام. ءبىراق ەكى بالاسى بار” دەدىم. اكەم: “ۇناتىپ تۇرساڭ، نەگە بولماسقا؟ نەگە تۇرمىسقا شىقپاسقا؟” دەدى»، – دەپ ەسكە الدى ءانشى.

سىيلاستىققا نەگىزدەلگەن قارىم-قاتىناس

بۇگىندە ايدانا مەدەنوۆا مەن اليشەردىڭ وتباسىلىق ءومىرى سىيلاستىق پەن تۇسىنىستىككە قۇرىلعان. ءانشىنىڭ ايتۋىنشا، كۇيەۋىنىڭ اتا-اناسى مەن ءبىرىنشى ايەلى دە وتە ساليقالى جاندار. ولاردىڭ اراسىندا ەشقانداي كەلىسپەۋشىلىك جوق، ءتىپتى اليشەردىڭ ءبىرىنشى جارىمەن دە جاقسى قارىم-قاتىناستا ەكەنىن ايتىپ ءوتتى.

«ماعان اللا سولاي ءناسىپ ەتتى. اتا-ەنەم دە، كۇيەۋىمنىڭ ءبىرىنشى جارى دا وتە پاراساتتى، سانالى ادامدار. ەشقانداي ينتريگا جوق. بارىنە شۇكىر دەيمىن. اليشەردىڭ ءبىرىنشى جۇبايىمەن دە ارالاسىپ تۇرامىز»، – دەدى مەدەنوۆا.