InfoHub Logo

قازاقستاندىق ويىنشىلار ءتورت جىل بويى PlayStation Store-عا كىرە الماي كەلەدى. بۇل – ويىنداردى ساتىپ الۋعا ارنالعان ونلاين-دۇكەن. يننوۆاسيالار جانە سيفرلىق دامۋ مينيسترلىگى (قازىرگى سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى) بۇل ماسەلەنىڭ نەگە ءالى شەشىلمەگەنىن ءتۇسىندىردى.

بۇل تۋرالى Infohub.kz اقپارات اگەنتتىگى حابارلايدى.

Sony كومپانياسىنىڭ شەكتەۋلەرى

Sony كومپانياسى 2022 جىلدىڭ ناۋرىز ايىندا رەسەيگە قاتىستى سانكسيالارعا بايلانىستى ءوز قىزمەتىن توقتاتقاننان كەيىن، قازاقستاننىڭ كەيبىر پايدالانۋشىلارى دا PlayStation Store-عا كىرە الماي قالدى. بۇعان دەيىن PlayStation Network-تە تىركەلۋ كەزىندە تەك رەسەيلىك نەمەسە ۋكراينالىق ايماقتى تاڭداۋعا بولاتىن ەدى، ال قازاقستاندىق بانك كارتالارى قولداۋ تاپپادى. سوندىقتان كوپتەگەن ويىنشىلار رەسەيلىك ايماقپەن تىركەلىپ، وسى ارقىلى سيفرلىق قىزمەتتەردى پايدالانىپ كەلگەن. الايدا، شەكتەۋلەر ەنگىزىلگەن سوڭ، ولاردىڭ اككاۋنتتارى مەن جازىلىمدارى قولجەتىمسىز بولىپ قالدى. شامامەن 50 مىڭ قازاقستاندىق PlayStation يەسى ويىن ساتىپ الۋ جانە دۇكەندى پايدالانۋ مۇمكىندىگىنەن ايىرىلدى.

مينيسترلىك تاراپىنان جاسالعان ارەكەتتەر

وسى جاعدايدان كەيىن قازاقستان PlayStation Store-عا قولجەتىمدىلىكتى قالپىنا كەلتىرۋگە تىرىستى. مينيسترلىك Sony Interactive Entertainment كومپانياسىنا رەسمي سۇراۋلار جولداپ، سەرۆيس جۇمىسىن جاڭارتۋ بويىنشا كەلىسسوزدەر جۇرگىزۋگە ارەكەتتەندى.

قازىرگى جاعداي

مينيسترلىك مالىمەتى بويىنشا، Sony كومپانياسى ءالى كۇنگە دەيىن رەسمي جاۋاپ بەرمەگەن. سوندىقتان PlayStation Store-عا قولجەتىمدىلىكتى قالپىنا كەلتىرۋ ماسەلەسى ءالى دە اشىق كۇيىندە قالىپ وتىر. مينيسترلىك حابارلاعانداي، ءارتۇرلى ەلدەردە سەرۆيستەردى ىسكە قوسۋ، جەرگىلىكتى تولەمدەردى قوسۋ جانە پايدالانۋشىلاردى قولداۋدى ۇيىمداستىرۋ – بۇل تەك حالىقارالىق كومپانيالاردىڭ ءوز شەشىمى. ولار مۇنى وزدەرىنىڭ جاھاندىق ستراتەگياسىنا سايكەس قابىلدايدى. مينيسترلىك بولسا، قازاقستان رەسپۋبليكاسىن دەربەس سيفرلىق نارىق رەتىندە ۇسىنۋدى جانە حالىقارالىق تەحنولوگيالىق كومپانيالاردى تارتۋ مەن ەلدەگى سيفرلىق قىزمەتتەردىڭ قولجەتىمدىلىگىن كەڭەيتۋ ءۇشىن قولايلى جاعدايلار جاساۋ جۇمىسىن جالعاستىرا بەرەتىنىن اتاپ ءوتتى.

مينيسترلەردىڭ ۋادەلەرى

PlayStation Store جابىلعالى بەرى شەنەۋنىكتەر بۇل ماسەلە بويىنشا جۇمىس ىستەپ جاتقانىن، حاتتار جولداعانىن ايتىپ كەلدى. وسى ۋاقىت ىشىندە مينيسترلەر اۋىسسا دا، جاۋاپ سول كۇيىندە قالدى. مينيسترلەردىڭ ۋادەلەرىنىڭ حرونولوگياسى:

مىڭداعان قازاقستاندىقتار Sony كومپانياسىنىڭ باسشىسىنان ەلدى PlayStation سەرۆيستەرىنە قوسۋدى سۇراپ، پەتيسياعا قول قويعان بولاتىن.