InfoHub Logo

ماقساتى: 1. بالالاردىڭ ءتورت تۇلىك مال تۋرالى تۇسىنىكتەرىن كەڭەيتۋ.
ولاردىڭ تولدەرىن اجىراتا بىلۋگە ۇيرەتۋ.
مالدىڭ پايداسى جايلى ايتىپ ۇيرەتۋ.
تاربيەلىك: ءۇي جانۋارلارىنا دەگەن قامقورلىققا تاربيەلەۋ.
دامىتۋشىلىق: بالالاردىڭ سوزدىك قورلارىن دامىتۋ.
سوزدىك قورلارىن جاڭا سوزدەرمەن تولىقتىرۋ.
كورنەكىلىكتەر: جايلاۋ ماكەتى، قورجىن، جانۋارلار مۋلياجدارى، سلايدتان ءتورت تۇلىك مال.
ساباق ءتۇرى: ساياحات ساباق.
ءادىس - تاسىلدەرى: جۇمباق شەشۋ، ويىن ويناۋ، ولەڭ وقۋ، اڭگىمەلەتۋ، ديداكتيكالىق ويىن.
ساباقتىڭ بارىسى: ۇيىمداستىرۋ كەزەڭى:
پسيحو جاتتىعۋ.
1 - بالا: بىلەر قازاق بالاسى،
سالەم ءسوزدىڭ اناسى.
الدىمىزدان كەزىككەن،
كوپ تانىستى كورەمىز.
بارىنە دە ىزەتپەن،
بىزدەر سالەم بەرەمىز.
ءبارى: سالەمەتسىزدەر مە.
شاتتىق شەڭبەرى: قايىرلى تاڭ، كوك اسپان!
قايىرلى تاڭ، جەر انا!

تاربيەشى: ايتىڭدارشى بالالار، جايلاۋعا جۇرت قاي ۋاقىتتا شىعادى؟
بالالار: كوكتەمدە شىعادى.
تاربيەشى: بالالار مەن سەندەرگە جايلاۋعا ساياحاتقا شىعۋدى ۇسىنامىن. بۇرىندا اتا - بابامىز جايلاۋعا اتپەن، اربامەن شىعاتىن. بۇگىن ءبىز دە اتپەن
جايلاۋعا شىعامىز.
(قابىرعادا سۇيەۋلى تۇرعان اتتارعا قاراپ:)
- مىنە، ءبىزدىڭ ارعىماقتارىمىز دا ءازىر تۇر. اتتارىڭا مىنىڭدەر.
(بالالار ءبىر - ءبىر ويىنشىق اتتاردى الىپ، ءمىنىپ، ءبىرىنىڭ ارتىنان ءبىرى تۇرىپ، دايىندالا باستايدى)
«اداي»كۇيى ورىندالىپ تۇرادى، بالالار جايلاۋعا كەلەدى.
تاربيەشى: - ال، ءبىز جايلاۋعا دا كەلىپ جەتتىك. ءبارىمىز كوزىمىزدى جۇمىپ تازا اۋامەن دەم الايىقشى.
- ءبىز ساياحاتقا قايدا كەلدىك؟

بالالار: جايلاۋعا كەلدىك.
(الدارىنان شوپان اتا شىعادى)
تاربيەشى: دۇرىس، جايلاۋعا كەلدىك. شوپان اتا دا وسىندا ەكەن عوي، سالەمەتسىز بە؟
شوپان اتا: سالەمەتسىڭدەر مە، بالالار! ءبىزدىڭ جايلاۋعا كەلگەندەرىڭە قۋانىشتىمىن.
بالالار: سالەمەتسىز بە!
تاربيەشى: بالالار شوپان اتا قويدىڭ يەسى.
شوپان اتا: بالالار ءتورت تۇلىك مالعا نە جاتاتىنىن بىلەسىڭدەر مە؟
بالالار: تۇيە، جىلقى، سيىر، قوي جاتادى.
شوپان اتا: دۇرىس ايتاسىڭدار. ال ەندى وسى جانۋارلارعا بايلانىستى جۇمباق شەشىپ كورىڭدەرشى
1. كىشكەنە عانا بويى بار،
اينالدىرىپ كيگەن تونى بار.(قوي)
تاربيەشى: ال وسى جەردەن قويدى كىم تاۋىپ كورسەتەدى؟
(جۇمباق شەشكەن كەزدە بالالار جانۋارلاردىڭ ماكەتىن كورسەتەدى)
شوپان اتا: 2. كەزىكتى ءبىر جانۋار،
ۇستىندە ەكى تاۋى بار.(تۇيە)
3. باسىندا ەكى تاياعى بار،
ءتورت اياعى بار.
ءبىراق تاعى ساقالى بار.(ەشكى)
4. ەكى ايناسى بار،
ەكى نايزاسى بار.
ءتورت جىلتىرماعى بار،
ءبىر شىبىرتقىسى بار.(سيىر)
5. ەكەۋ ەلەڭدەپ كەلەدى،
تورتەۋ توبەلەسىپ كەلەدى.(جىلقى)
تاربيەشى: بۇل ءتورت تۇلىك مالدىڭ ادامعا پايداسى بار ما؟
بالالار: بار.
تاربيەشى: قانداي پايداسى بار، بىزگە نە بەرەدى؟
بالالار: ءسۇت، ەت. ءجۇن بەرەدى.
تاربيەشى: تۇيەنىڭ سۇتىنەن نە جاسايدى؟
بالالار: شۇبات.
تاربيەشى: ال، جىلقىنىڭ سۇتىنەن نە جاسايدى؟
بالالار: قىمىز.
تاربيەشى: سيىر، قوي، ەشكىنىڭ سۇتىنەن نە جاسايدى؟
بالالار: ماي، قۇرت، ايران، ىرىمشىك جاسايدى.
تاربيەشى: قويدىڭ، ەشكىنىڭ، تۇيەنىڭ جۇنىنەن نە جاسايدى؟
بالالار: ءجىپ، كيىم توقيدى، كورپە جاسايدى.
شوپان اتا: اپاي مىنا بالالارىڭىزعا ريزا بولىپ تۇرمىن، ءتورت تۇلىك تۋرالى كوپ بىلەدى ەكەن.
ديداكتيكالىق ويىن: «كىم قالاي دىبىستايدى؟»
تاربيەشى: مەن ءقازىر قانداي جانۋاردى كورسەتسەم، سول جانۋاردىڭ قالاي دىبىستايتىنىن ايتاسىڭدار.

سيىر - ءمو - ءمو
قوي - ءما - ءما
تۇيە - ءبو - ءبو
جىلقى - ە - ە - ە
ەشكى - ءماا - ءماا
تاربيەشى: وتە جاقسى، دۇرىس ايتتىڭدار. ەندى مەنى تىڭداڭدار، مالدىڭ دىبىستاعانىن بىلاي دەپ ايتادى.
جىلقى - كىسىنەيدى.
سيىر - موڭىرەيدى
قوي، ەشكى - ماڭىرايدى
تۇيە - بوزدايدى.
- ءبارىمىز وسى سوزدەردى قايتالاپ ۇعىپ جاتتاپ الايىق.(بالالار قايتالايدى)
سەرگىتۋ ءساتى: «قيمىلمەن كورسەت»
بالالار دوڭگەلەنىپ تۇرادى.
تاربيەشى: قوشاقانى قويدىڭ،
قايدا قالىپ قويدىڭ؟
تومپيىپ تۇر ءبۇيىرىڭ،
قاي ورىستەن تويدىڭ؟
(بالالار شوپان اتامەن قوشتاسىپ، اتقا ءمىنىپ توپقا كەلەدى.)
تاربيەشى: بالالار وسى ءتورت تۇلىك مال تۋرالى ماقال بىلەسىڭدەر مە؟
1. جىلقى مالدىڭ - پاتشاسى،
تۇيە مالدىڭ - قاسقاسى.
2. مال وسىرسەڭ، قوي ءوسىر،
ءونىمى ونىڭ كول - كوسىر.
3. تۇيە مالدىڭ ۇلكەنى،
جىلقى مالدىڭ ۇركەگى.
4. مالدى باعا ءبىل،
بابىن تابا ءبىل.
ديداكتيكالىق ويىن: «ءتولىن تاپ»
ەرەجەسى: تاربيەشى ەكى ماكەتتىڭ نەمەسە سۋرەتتىڭ ءبىر سىڭارىن كورسەتەدى، ال سىڭارىن شاقىرعان بالا تاۋىپ، قاتارىنا قويادى.
تۇيەنىڭ ءتولى - بوتا
جىلقىنىڭ ءتولى - قۇلىن
سيىردىڭ ءتولى - بۇزاۋ
قويدىڭ ءتولى - قوزى
ەشكىنىڭ ءتولى - لاق.

قورىتىندى سۇراقتار قويىلادى.
تاربيەشى: ءتورت تۇلىك مالعا نە جاتادى ەكەن؟
بالالار: قوي، ەشكى، سيىر، جىلقى، تۇيە جاتادى.
تاربيەشى: قانداي جاڭا سوزدەرمەن تانىستىق؟
بالالار: جىلقى كىسىنەيدى، سيىر موڭىرەيدى، تۇيە بوزدايدى، قوي ماڭىرايدى.
تاربيەشى: وتە جاقسى بالالار. بۇگىن بارىڭدە ساباققا جاقسى قاتىستىڭدار. سەندەرگە
شوپان اتا دا ريزا بولدى.