Photo: Aleksandar Andreev (https://www.pexels.com/@andreevaleksandar) / Pexels
ترامپ: يران يادرولىق قارۋدى يەلەنۋگە نەمەسە دامىتۋعا ءتيىس ەمەس
اقش پرەزيدەنتى دونالد ترامپ يرانمەن جۇرگىزىلىپ جاتقان حالىقارالىق كەلىسسوزدەرگە قاتىستى مالىمدەمە جاسادى. ول ەكىجاقتى قۇجاتقا قول قويىلعانعا دەيىن يرانعا باعىتتالعان شەكتەۋلەر مەن بلوكادا شارالارى وزگەرىسسىز قالاتىنىن ناقتىلادى.
بۇل تۋرالى Infohub.kz اقپارات اگەنتتىگى حابارلايدى.
كەلىسسوزدەرگە اسىقپاۋ كەرەك
جەكە پاراقشاسىندا جازبا جاريالاعان ترامپ، قازىرگى ۋاقىتتا پروسەسس سىندارلى سيپاتتا ءوتىپ جاتقانىن، الايدا ۆاشينگتون بۇل ماسەلەدە اسىعىستىق تانىتپايتىنىن جەتكىزدى. ول ءوز وكىلدەرىنە كەلىسىمشارت جاساسۋعا اسىقپاۋدى تاپسىرعانىن ايتتى. «ۋاقىت ءبىزدىڭ پايدامىزدا. كەلىسىمگە قول جەتكىزىلىپ، ماقۇلدانىپ، قول قويىلعانعا دەيىن بلوكادا تولىق كۇشىندە قالادى. ەكى تاراپ تا اسىقپاي، ءبارىن دۇرىس ىستەۋى كەرەك. ەشقانداي قاتەلىككە جول بەرىلمەۋى ءتيىس»، - دەپ جازدى اقش باسشىسى.
بۇرىنعى كەلىسىمدى سىنعا الدى
ترامپ بۇرىنعى پرەزيدەنت باراك وبامانىڭ تۇسىندا قابىلدانعان يادرولىق مامىلەنى قاتاڭ سىنعا الىپ، ونى «ەلىمىز جاساسقان ەڭ ناشار مامىلەلەردىڭ ءبىرى» دەپ اتادى. ونىڭ ايتۋىنشا، بۇل كەلىسىم يرانعا يادرولىق قارۋ جاساۋعا تىكەلەي جول اشقان.
تەگەرانعا ەسكەرتۋ
اق ءۇي باسشىسى رەسمي تەگەرانعا ەسكەرتۋ جاساپ، يراننىڭ يادرولىق قارۋدى دامىتا دا، يەلەنە دە المايتىنىن ءتۇسىنۋى كەرەكتىگىن باسا ايتتى. «ءبىزدىڭ يرانمەن قارىم-قاتىناسىمىز كاسىبي ءارى ناتيجەلى بولا تۇسۋدە. دەگەنمەن، ولار يادرولىق قارۋدى دامىتا دا، يەلەنە دە المايتىنىن ءتۇسىنۋى ءتيىس»، - دەدى ترامپ.
-
جۋرناليست دينارا ءساتجان «كەشYou» توبىنىڭ بۇرىنعى مۇشەلەرى ءمولدىر اۋەلبەكوۆا مەن بالجان بيداشتىڭ بايان الاگوزوۆاعا دەگەن قارىم-قاتىناسىن سىنعا الدى.
-
US President Donald Trump stated that sanctions against Iran will remain in place until a new nuclear deal is finalized، emphasizing that Tehran cannot develop nuclear weapons.
