InfoHub Logo

اقش-تىڭ بۇرىنعى پرەزيدەنتى دونالد ترامپ ۆلاديمير زەلەنسكييدىڭ قىرىم ماسەلەسىندەگى ۇستانىمىنا قاتىستى پىكىر ءبىلدىردى. ونىڭ ايتۋىنشا، ۋكراينا باسشىسى تۇبەكتەن باس تارتۋعا دايىن كورىنەدى، دەپ جازادى Infohub.kz Alash.kz سايتىنا سىلتەمە جاساپ.

— مەنىڭ ويىمشا، ول دايىن، — دەدى ترامپ قىرىم تۋرالى سۇراققا جاۋاپ بەرە وتىرىپ.

25 ساۋىردە Time جۋرنالىنا بەرگەن سۇحباتىندا ترامپ قىرىمدى رەسەي قۇرامىندا قالدىرۋ بەيبىت كەلىسىمنىڭ ءبىر بولىگى بولۋى مۇمكىن ەكەنىن العا تارتتى. بۇعان دەيىن امەريكالىق بىرنەشە باسىلىم اقش قىرىمدى رەسەيدىڭ ءبىر بولىگى رەتىندە رەسمي مويىنداۋعا دايىندالىپ جاتقانىن حابارلاعان ەدى.

ەسكە سالا كەتەيىك، قىرىم 2014 جىلى وتكىزىلگەن رەفەرەندۋم ناتيجەسىندە رەسەي قۇرامىنا قوسىلعان بولاتىن. پرەزيدەنت ۆلاديمير پۋتين قىرىمنىڭ مارتەبەسى تۋرالى ماسەلەنى "ءبىرجولاتا شەشىلگەن" دەپ مالىمدەگەن ەدى. ماسكەۋدىڭ باستى شارتتارىنىڭ ءبىرى — قىرىمدى رەسەيدىڭ اۋماعى رەتىندە حالىقارالىق دەڭگەيدە تانۋ.

ءوز كەزەگىندە زەلەنسكيي قىرىمدى رەسەيگە تيەسىلى دەپ مويىندامايتىنىن بىرنەشە مارتە قايتالاعان. دەسە دە، ول تۇبەكتى قايتارۋ وڭاي بولمايتىنىن جانە ترامپتىڭ ءسوزى بەلگىلى ءبىر دارەجەدە شىندىق ەكەنىن مويىنداعان. زەلەنسكييدىڭ ايتۋىنشا، ماسەلە "ادام كۇشىنىڭ جەتىسپەۋشىلىگىندە ەمەس، قارۋ-جاراقتىڭ تاپشىلىعىندا".

ترامپ، سونداي-اق، ۋكراينا 11 جىل بويى قىرىم ءۇشىن نەگە كۇرەسپەگەنىن، ال رەسەيدىڭ بۇل ايماقتى "ءبىر وق شىعارماي" باقىلاۋىنا العانىن تۇسىنبەيتىنىن جەتكىزدى. بۇل پىكىرتالاس ترامپتىڭ العاشقى پرەزيدەنتتىك مەرزىمىندەگى اقش اكىمشىلىگىنىڭ ۇستانىمىن ەسكە سالدى: سول كەزدە مەملەكەتتىك حاتشى مايك پومپەو قۇراما شتاتتاردىڭ رەسەيدىڭ قىرىمدى اننەكسيالاۋىن مويىندامايتىنىن جانە ۋكراينانىڭ اۋماقتىق تۇتاستىعى قالپىنا كەلمەيىنشە وسى ساياساتتى ۇستاناتىنىن ايتقان بولاتىن.