InfoHub Logo

تۇلەكتەرگە كەڭەس.
ۇبت تاپسىرۋعا قالاي دايىندالۋ قاجەت؟

ۇبت - عا دايىندىق:
ەڭ الدىمەن دايىندىق جاسايتىن قولايلى جەر دايارلا: ۇستەلدەن كەرەكسىز زاتتاردى الىپ تاستا، كىتاپتارىڭدى، داپتەر، قاعاز، قارانداشتارىڭدى، ت. ب. وزىڭە قولايلى ەتىپ ورنالاستىر.
بولمە ينتەرەرىنە سارى مەن كۇلگىن تۇستەردى كوپتەپ ەنگىزۋگە بولادى، سەبەبى بۇل تۇستەر ينتتەللەكتۋالدى بەلسەندىلىكتى ارتتىرادى. بۇل ءۇشىن وسى تۇستەگى قانداي دا ءبىر سۋرەتتى ءىلىپ قويۋ جەتكىلىكتى.
دايىندىق جوسپارىن جاسا. ەڭ الدىمەن ءوزىڭنىڭ كىم ەكەنىڭدى انىقتا – «جاپالاقسىڭ» با، الدە «بوز تورعايسىڭ» با؟ ءارى سوعان قاراي تاڭەرتەڭ نەمەسە كەشكە قاراي كوپ جۇمىس ىستەي الاتىنىڭدى بىلەسىڭ. ءار كۇنگە ارناپ ايقىن جوسپار قۇرعاندا ءدال سول كۇنى نەنى وقىپ بىلەتىنىڭدى ايقىندا. جالپى «شامالى دايىندالامىن» ەمەس، تاقىرىپتار مەن بولىمدەردى ايقىن بەلگىلە.
ءوزىڭنىڭ ەڭ ناشار بىلەتىن قيىن تاقىرىبىڭنان باستا. ال ەگەر ولاي ساعان قيىن بولسا، وزىڭە قىزىقتى ءارى تۇسىنىكتىسىنەن باستا. مۇمكىن وسىلايشا سەن جۇمىس ريتمىنە تەز ەنىپ كەتەرسىڭ.
دايىندىق پەن دەم الۋدى كەزەكتەستىرىپ تۇر، ايتالىق 40 مينۋت دايىندىق، 10 مينۋت ءۇزىلىس. ءۇزىلىس ۋاقىتىندا ىدىس جۋىپ، گۇل سۋارۋعا نەمەسە دۋشقا ءتۇسىپ نە سەرگىتۋ جاتتىعۋلارىن جاساۋعا بولادى. كىتاپتىڭ ىشىندەگىنىڭ بارلىعىن جاتتاپ الۋعا تىرىسۋدىڭ كەرەگى جوق. وقىلعان ماتەريلدى قورىتۋ ءۇشىن قاعازعا سحەما، سىزبالار جاساپ قويۋعا بولادى. بۇنداي جوسپارلار وقىلعان ماتەريالدى تەز قايتالاپ، ەسكە تۇسىرۋگە پايدالى.
ءبىر ءپان بويىنشا نەعۇرلىم ءار ءتۇرلى تەستتەر قاراستىرىپ، ءوزىڭدى تەكسەرۋىڭ كەرەك. بۇل دايىندىق سەنى تەستىنىڭ ءار ءتۇرلى كونسترۋكسياسىمەن تانىستىرادى.
قولىڭا سەكۋندومەر الىپ، تەستىلەۋگە كەتەتىن ۋاقىتتى ەسەپتە.
دايىندىق كەزىندە ەشقاشان تەستىنى ورىنداي المايمىن دەپ ويلاما، كەرىسىنشە ويشا ءوز جەڭىسىڭدى سۋرەتتە. ءبىر كۇنىڭدى بارلىعىن قايتالاپ، وزىڭە قيىن دەگەن تاقىرىپتى قايتالاپ وقۋىڭا قالدىر.
ۇبتقارساڭىندا كوبىسى ۇبت - عا تولىق دايىندالۋ ءۇشىن ۇبت الدىنداعى سوڭعى ءبىر كۇننىڭ جەتپەي قالاتىندىعىن ايتادى. بۇل دۇرىس ەمەس. سەن شارشادىڭ، ءوزىڭدى ودان ءارى قاتىتۋىڭ كەرەك ەمەس. كەرىسىنشە دەمال، دۋشقا ءتۇس، قىدىر. «كۇرەسۋگە» دايىن بولاتىنداي، ءوزىڭدى دەنى ساۋ، سەرگەك سەزىنەتىندەي ۇيقىڭدى قاندىرىپ العانىڭ دۇرىس. سەبەبى تەستىلەۋ – ول دا ءبىر ءوزىڭنىڭ قابىلەتىڭدى، مۇمكىندىگىڭدى كورسەتەتىن وزىنشە كۇرەس ەمەس پە. ۇبت بولاتىن ورتالىققا جارتى ساعاتقا ەرتەرەك كەلۋگە تىرىس. وزىڭمەن بىرگە ءتولقۇجاتىڭدى، رۇقساتناماڭدى، بىرنەشە قارا سيالى قالامىڭدى الۋدى ۇمىتپا.
سونىمەن، دايىندىق كەزەڭى ارتا قالدى. ءوزىڭدى تەپە - تەڭدىككە ءتۇسىرۋ ءۇشىن ءبىر - ەكى مينۋتىڭدى اياما. دەمال، تىنىشتان.
دەن قوي! تەستىلەۋدىڭ باستاپقى ءبولىمىن تولتىرعان سوڭ (بلانك تولتىرۋ)، وزىڭە تۇسىنىكسىز نارسەلەردىڭ باسىن اشىپ العان سوڭ، اينالاڭداعىلاردى ۇمىتۋعا تىرىس. سەنى تەست تاپسىرمالارى مەن تەستكە بەرىلگەن ۋاقىت قانا قىزىقتىرۋى ءتيىس.
اسىقپاي تەزدەت! بەرىلگەن ۋاقىتتىڭ تار شەڭبەرى سەنىڭ جاۋاپتارىڭنىڭ ساپاسىنا اسەر ەتپەۋى ءتيىس. سۇراققا جاۋاپ بەرەر ادىندا سۇراقتى ەكى رەت وقىپ شىعىپ، نەنى سۇراپ تۇرعانىن تولىق تۇسىنگەنىڭە كوز جەتكىز.
وڭايىنان باستا! كوپ ويلانۋدى تالاپ ەتەتىن سۇراقتارعا توقتاماي، ءوزىڭ جاقسى بىلەتىن، وڭايلارىنان باستاعانىڭ ءجون. سەن قوبالجۋدان ارىلعاندا، باسىنىڭ اۋىرعانى دا قويىپ، جۇمىس ريتمىنە ەنەسىڭ. جۇيكە جۇيەسىنىڭ مازالاۋىنان ارىلىپ، بارلىق ەنەرگياڭدى قيىن سۇراقتارعا ساقتايسىڭ.
قالدىرىپ كەت! قيىن ءارى تۇسىنىكسىز سۇراقتاردى قالدىرىپ كەتۋدى ۇيرەنۋ كەرەك. ەسىڭدە ساقتا: ماتىندە مىندەتتى تۇردە سەن جاۋاپ بەرە الاتىن سۇراعىڭ تابىلادى.
سۇراقتى سوڭىنا دەيىن وقى! اسىعىستىق تاپسىرمانى «العاشقى سوزدەرىنەن» ءتۇسىنىپ، سوڭىن ءوزىڭنىڭ ويىڭشا اياقتاۋىڭا الىپ كەلۋىنە ءتيىستى ەمەس. بۇل وڭاي سۇراقتان قاتە جىبەرۋگە الىپ كەلەتىن جول.
الدىنداعى تاپسىرما تۋرالى عانا ويلان! جاڭا تاپسىرماعا كەلگەندە الدىنداعىسىنى ۇمىت. تەستىدەگى تاپسىرمالار ءبىر - بىرىمەن بايلانىستى ەمەس، سوندىقتان الدىنداعى تاپسىرمادا قولدانعان ءبىلىمىڭ كەلەسىسىن ورىنداۋعا كومەكتەسپەيدى، كەرىسىنشە بوگەت بولادى. بۇل كەڭەس ەكىنشى جاعى دا بار، مىسالى الدىڭعى سۇراقتى بىلمەسەڭ، كەلەسى سۇراققا جاۋاپتى مىندەتتى تۇردە بىلەم دەگەن سەنىمدىلىك بەرەدى. ءار جاڭا تاپسىرما – بالل جيناۋعا جاڭا مۇمكىندىك دەپ قاراعانىڭ دۇرىس.
كەيبىر تاپسىرمالار ءوز نۇسقالارىنىڭ ىشىندەگى بۇرىس جاۋاپتارىن تاپساڭ دا دۇرىس جاۋاپتى تابۋعا بولاتىندىعىمەن ەرەكشەلەنەدى. اتالعان ءادىس – بىردەن بەس نۇسقا تۋرالى ەمەس، ايتالىق، ەكى جاۋاپ توڭىرەگىندە ويلانۋعا مۇمكىندىك بەرەدى.
ەكى اينالىم جوسپارلا! بەرىلگەن ۋاقىت شامالانىپ قالعاندا جاۋاپتارىڭدى ءبىر قاراپ شىعۋعا («ءبىرىنشى اينالىم»)، العاشىندا قيىن بولىپ كورىنگەن تاستاپ كەتكەن سۇراقتارىڭا تاعى ءبىر ورالۋىڭا («ەكىنشى اينالىم) ۋاقىت قالدىۋىڭدى ەسەپتەۋىڭ كەرەك.
تەكسەر! تاپسىرمالارعا جاۋاپتارىڭدى قايتا تەكسەرۋگە، ەڭ بولماسا كوز جۇگىرتىپ وتۋگە ۋاقىت قالدىر.
بولجا! ەگەر سەن دۇرىس جاۋاپتى بىلمەسەڭ، ينتۋيسياڭا سەنىڭۋىڭە بولادى. وندا دا ەڭ دۇرىسقا جاقىن بولۋى ءتيىس دەگەن نۇسقاسىن تاڭداۋعا تىرىس.
كوڭىلىڭدى تۇسىرمە! بارلىق تاپسىرمانى ورىنداۋعا تىرىس، ءبىراق تاجىريبە بويىنشا بۇل مۇمكىن ەمەس ەكەندىگىن ەستەن شىعارما. تەست تاپسىرمالارى ەڭ قيىن دارەجەگە ەسەپتەلگەن، جانە سەن ورىنداعان تاپسىرمالار جاقسى دەپ باعالانۋى ابدەن مۇمكىن. ساتتىلىك تىلەيمىز!