InfoHub Logo

XXXII قىسقى ۋنيۆەرسيادادا تۋريندە قازاقستاندىق ەرلەر حوككەي قۇراماسى العاشقى كەزدەسۋىن شۆەسياعا قارسى وتكىزىپ، سەنىمدى جەڭىسكە جەتتى. ويىن 9:2 ەسەبىمەن اياقتالدى.

ويىن بارىسى

قازاقستان حوككەي فەدەراسياسىنىڭ مالىمەتىنشە، العاشقى كەزەڭدە شۆەدتەر ەسەپ اشىپ، ەكى شايبا سالعان. دەگەنمەن، قازاقستاندىقتار العاشقى 20 مينۋتتىڭ ىشىندە ەسەپتى تەڭەستىرە الدى.

ەكىنشى كەزەڭدە قازاقستان قۇراماسى ەكى گول باسىمدىقپەن العا شىقتى. نيكولاي شۋلگا شايبا سالىپ، ارتىنشا دانييل سىبين دۋبل جاسادى.

ءۇشىنشى كەزەڭدە قازاقستاندىقتار قارسىلاس كومانداعا مۇلدە مۇمكىندىك بەرمەي، شەشۋشى گولدار سوقتى. ماكسيم مۋسوروۆ، اديل بەيسەمبايەۆ، دەنيس چاپوروۆ جانە اندرەي بۋيالسكيي شەبەرلىكتەرىن كورسەتتى.

الداعى ماچتار

14 قاڭتاردا قازاقستاندىق حوككەيشىلەر وڭتۇستىك كورەيا قۇراماسىمەن كەزدەسەدى.

ەرلەر قۇراماسى «ا» توبىندا كورەيا، كانادا جانە چەحيا كوماندالارىمەن وينايدى:

• 14 قاڭتار، 20:30 — قازاقستان vs كورەيا؛
• 16 قاڭتار، 00:00 — كانادا vs قازاقستان؛
• 17 قاڭتار، 00:00 — قازاقستان vs چەحيا.

ايەلدەر قۇراماسى «ۆ» توبىندا جاپونياعا قارسى العاشقى ماچتا 10:0 ەسەبىمەن جەڭىلىسكە ۇشىرادى. ەندى ولار اقش جانە چەحيا كوماندالارىمەن ب ا ق سىناسادى:

• 14 قاڭتار، 20:30 — چەحيا vs قازاقستان؛
• 16 قاڭتار، 20:30 — قازاقستان vs اقش.

حوككەي ءتۋرنيرى

حوككەي ويىندارى 11-22 قاڭتار ارالىعىندا تۋرين ماڭىنداعى ەكى الاڭدا وتۋدە.