tengrinews.kz
تۇركيا بارلاۋ قىزمەتىنىڭ باسشىسى: تاياۋ شىعىستا ونداعان جىلعا سوزىلاتىن سوعىس ءقاۋپى ءتونىپ تۇر
تاياۋ شىعىستا تۇرىكتەر، كۇردتەر، ارابتار جانە پارسىلار اراسىندا ونداعان جىلعا سوزىلاتىن «باۋىرلاستار سوعىسى» باستالۋى مۇمكىن. بۇل تۋرالى تۇركيانىڭ ۇلتتىق بارلاۋ قىزمەتىنىڭ باسشىسى يبراگيم كالىن مالىمدەدى.
بۇل تۋرالى Infohub.kz اقپارات اگەنتتىگى حابارلايدى.
ايماقتاعى قاقتىعىستاردىڭ ءورشۋى
«اقش پەن ءيزرايلدىڭ يرانعا قارسى باستاعان سوعىسىنىڭ سالدارى يراننىڭ يادرولىق الەۋەتىن جويۋمەن عانا شەكتەلمەي، ايماقتىڭ نەگىزگى قۇرامداس بولىكتەرى بولىپ تابىلاتىن تۇرىكتەر، كۇردتەر، ارابتار جانە پارسىلار اراسىندا ونداعان جىلعا سوزىلاتىن قاندى كەككە ۇلاساتىن جاعداي تۋدىرۋى مۇمكىن»، - دەدى كالىن.
تۇركيا بارلاۋ قىزمەتىنىڭ باسشىسى تۇركيانىڭ ەشقاشان داۋ-جانجال وتىنا ماي قۇيىپ وتىرماعانىن جانە بۇلاي ىستەمەيتىنىن اتاپ ءوتتى.
سوعىستىڭ ايماققا تارالۋى
«بىر-بىرىنە جالعاسقان جانە جاڭا قاقتىعىستاردى تۋدىرعان وسى سوعىس بارىسىنداعى وقيعالار ناتيجەسىندە، بۇگىندە ول يراننان تىسقارى شىعىپ، پارسى شىعاناعى ايماعىنىڭ بارىنە تارادى. ارينە، يرانعا جاسالعان شابۋىلدار قاتە بولعانى سياقتى، پارسى شىعاناعى ايماقتارىنا جاسالعان شابۋىلدار دا ماقساتقا جەتۋگە قىزمەت ەتپەيتىنىن ايتۋىمىز كەرەك»، - دەدى كالىن.
ول سوعىستىڭ باستى باستاماشىسى رەتىندە ءيزرايلدى اتاپ، ونىڭ «ءار جولى كەلىسسوزدەر جۇرگىزۋ، ديالوگ جانە بايلانىس ارنالارىن اشۋ ارەكەتتەرىن سابوتاج جاساپ كەلگەنىن» ايتتى.
تۇركيانىڭ بەيبىتشىلىككە ۇمتىلىسى
«ءبىز بۇل سوعىستى توقتاتۋ ءۇشىن كۇندىز-تۇنى توقتاۋسىز بار كۇش-جىگەرىمىزدى سالا بەرەمىز. سوعىس اياقتالعاننان كەيىن ايماققا كەلتىرىلگەن زالالدى مۇمكىندىگىنشە تەزىرەك جويۋ ءۇشىن جۇمىس ىستەۋگە تۋرا كەلەدى»، - دەدى تۇركيا بارلاۋ قىزمەتىنىڭ باسشىسى.
اقش پەن ءيزرايلدىڭ يرانعا قارسى وپەراسياسى ءبىر ايدان بەرى جالعاسىپ كەلەدى. وسى ۋاقىت بويى تاراپتار بىر-بىرىنە سوققىلار الماسۋدا. كەشە يراننىڭ كۇش قۇرىلىمدارىنداعى دەرەككوزى تەگەراننىڭ اسكەري ءىس-قيمىلداردى توقتاتۋدى جوسپارلامايتىنىن حابارلادى. ونىڭ ايتۋىنشا، ۆاشينگتوننىڭ سوڭعى مالىمدەمەلەرىنە قاراماستان، يراندىق اسكەريلەر شابۋىلداردى كۇشەيتۋگە دايىن.
-
اتىراۋداعى تەمىرجول ۆوكزالىنىڭ جاپپاي جاڭارتىلۋى جۇرتشىلىقتىڭ نارازىلىعىن تۋدىردى. بىرنەشە جىل بۇرىن زاماناۋي تالاپتارعا ساي جاڭارتىلعان عيمارات نەگە بۇزىلىپ جاتقانى تۋرالى تولىق اقپارات.
-
The head of Turkey's intelligence agency warns that escalating conflicts in the Middle East could ignite protracted "brother wars" lasting for decades، potentially involving Turks، Kurds، Arabs، and Persians.
