تۇركيادا ساياسي تەكەتىرەس ۋشىقتى: پرەزيدەنت ەردوعان وپپوزيسيا سەركەسىن سوتقا بەردى
تۇركيا پرەزيدەنتى رەجەپ تايىپ ەردوعان مەن وپپوزيسيا اراسىنداعى ساياسي قاقتىعىس جاڭا دەڭگەيگە كوتەرىلدى. مەملەكەت باسشىسى حالىقتىق-رەسپۋبليكالىق پارتيا جەتەكشىسى وزگۇر وزەلگە قارسى ازاماتتىق جانە قىلمىستىق تالاپ ارىز تۇسىرگەنى بەلگىلى بولدى.بۇنى ينفوحاب ءتىلشىسى حابارلايدى.
پرەزيدەنتتىڭ ادۆوكاتى حيۋسەين ايدىننىڭ ايتۋىنشا، 5 شىلدەدە وزەل وتكىزگەن باسپا ءسوز جيىنىندا ەردوعانعا باعىتتالعان اۋىر سوزدەر ايتىلىپ، ونى قورلاۋ مەن ۇركىتۋ بەلگىلەرى بايقالعان. وسىعان بايلانىستى انكارانىڭ ازاماتتىق سوتىنا مورالدىق وتەماقى ءوندىرۋ تۋرالى شاعىم جولدانسا، پروكۋراتۋراعا قىلمىستىق ءىس قوزعاۋ جونىندە دە ءوتىنىش تاپسىرىلعان.
وپپوزيسيا سەركەسى وزگۇر وزەل سول كۇنى بىرنەشە قالا — انتاليا، ادانا، ادىيامان جانە ماناۆگات اكىمدەرىنىڭ ۇستالۋىن قاتاڭ سىناپ، بۇل جاعدايدى بيلىكتىڭ اۆتوريتارلىق بەتبۇرىسى رەتىندە باعالاعان. سونىمەن قاتار ول قاراشا ايىندا كەزەكتەن تىس پرەزيدەنتتىك سايلاۋ وتكىزۋ قاجەت ەكەنىن ايتىپ، ەردوعاننىڭ بيلىگى سول سايلاۋدا جەڭىلەدى دەگەن مالىمدەمە جاساعان.
بۇل وقيعا تۇركياداعى بيلىك پەن وپپوزيسيا اراسىنداعى شيەلەنىستىڭ كۇشەيىپ بارا جاتقانىن اڭعارتادى.
You Might Also Like
-
قازاقستاندىق دزيۋدوشى ءابيبا ءابۋجاقىنوۆا جاڭارتىلعان حالىقارالىق رەيتينگتە ايەلدەر اراسىنداعى 48 كەلى سالماق دارەجەسىندە ەكىنشى ورىنعا كوتەرىلدى. بۇل – ەل تاريحىنداعى ەڭ جوعارى جەتىستىكتەردىڭ ءبىرى.
-
قازاقستاندىق اۋىر اتلەت ءاليحان اسكەرباي استانادا ءوتىپ جاتقان جاسوسپىرىمدەر مەن جاستار اراسىنداعى ازيا چەمپيوناتىندا تاريحي جەتىستىككە قول جەتكىزدى. ول 61 كەلىگە دەيىنگى سالماق دارەجەسىندە قوسسايىس ...
