depositphotos.com
تۇركىستان وبلىسىندا جاساندى جاڭبىر جاۋدىرۋ جوباسى باستالدى: "قازگيدرومەت" ءمان-جايدى باياندادى
تۇركىستان وبلىسىندا جاساندى جاڭبىر جاۋدىرۋ بويىنشا پيلوتتىق جوبا باستالدى. بۇل تۋرالى "قازگيدرومەت" رەسمي مالىمدەمە جاسادى.
بۇل جوبانىڭ العاشقى كەزەڭىندە 39 مەتەوستانسيانىڭ 2020-2024 جىلدار ارالىعىنداعى دەرەكتەرى تالدانىپ، عىلىمي زەرتتەۋلەر جۇرگىزىلدى. اتموسفەرالىق پروسەستەر مەن جەر بەدەرىنىڭ ەرەكشەلىكتەرى ەسكەرىلە وتىرىپ، تۇركىستان وبلىسى وسى پيلوتتىق جوبا ءۇشىن ەڭ قولايلى ايماق بولىپ تانىلدى.
جاساندى جاڭبىر جاۋدىرۋ تەحنولوگياسى تەك تابيعي تۇردە قالىپتاسقان، تىك دامىعان بۇلتتار بولعان جاعدايدا عانا قولدانىلادى. "قازگيدرومەت" ماماندارى بۇل اسەردىڭ جەرگىلىكتى جانە قىسقا مەرزىمدى سيپاتتا بولاتىنىن، كليماتتىق پروسەستەرگە نەمەسە اۋا ماسسالارىنىڭ قوزعالىسىنا اسەر ەتپەيتىنىن اتاپ ءوتتى.
"قازگيدرومەت" جوباعا عىلىمي-مەتەورولوگيالىق قولداۋ كورسەتەدى. بۇعان اتموسفەرانى تاۋلىك بويى باقىلاۋ، سپۋتنيكتىك سۋرەتتەر مەن سينوپتيكالىق دەرەكتەردى تالداۋ، بۇلت جۇيەلەرىن قاداعالاۋ جانە جاۋعان جاۋىن-شاشىن مولشەرىن باعالاۋ كىرەدى.
جيناقتالعان دەرەكتەر تەحنولوگيانىڭ تيىمدىلىگىن عىلىمي تۇرعىدان باعالاۋعا جانە ونىڭ ايماقتىڭ سۋ بالانسىن قولداۋ مەن اۋىل شارۋاشىلىعىنا الەۋەتىن زەرتتەۋگە مۇمكىندىك بەرەدى.
بۇل جوبا بىرىككەن اراب امىرلىگىنىڭ ۇلتتىق مەتەورولوگيالىق ورتالىعىمەن، تۇركىستان وبلىسى اكىمدىگىمەن، قازاقستاننىڭ جاساندى ينتەللەكت جانە سيفرلىق دامۋ مينيسترلىگىمەن جانە "قازاەروناۆيگاسيامەن" بىرلەسىپ جۇزەگە اسىرىلۋدا.
بۇل تۋرالى Infohub.kz اقپارات اگەنتتىگى حابارلايدى.
-
يۋريستى كازاحستانا ۆىراجايۋت وبەسپوكوەننوست روستوم نەزاكوننىح ۆمەشاتەلستۆ ۆ سۋدەبنىە پروسەسسى ي دومينيروۆانيەم "تەلەفوننوگو پراۆا"، چتو پودرىۆاەت ۆەرۋ ۆ پراۆوسۋديە.
-
وبەم نەپوگاشەننىح دولگوۆىح وبيازاتەلستۆ حولدينگا Freedom ۋۆەليچيلسيا س 469،5 ملن دو 1،26 ملرد دوللاروۆ زا گود. رازبيراەمسيا ۆ پريچيناح ي پوسلەدستۆياح.
