tengrinews.kz
تۇركىستان وبلىسىنداعى كوللەدج ستۋدەنتتەرى ەرلەر جاتاقحاناسىن تازالاۋعا ماجبۇرلەندى
تۇركىستان وبلىسىنداعى كوللەدج ستۋدەنتتەرى ەرلەر جاتاقحاناسىن تازالاۋعا ماجبۇرلەنگەنى تۋرالى داۋلى جاعداي الەۋمەتتىك جەلىدە تارادى. ۆيدەودا ستۋدەنت قىزدار جاتاقحانا اكىمشىلىگى تاراپىنان قىسىم كورگەندەرىن ايتىپ شاعىمدانادى.
ستۋدەنتتەردىڭ ايتۋىنشا، ولاردى ەرلەر بولمەلەرىن، سونىڭ ىشىندە ەدەن جۋىپ، دارەتحانالاردى تازالاۋعا ماجبۇرلەگەن. قىزدار بۇل تالاپتى ورىنداماعان جاعدايدا، ولاردى جاتاقحانادان شىعارىپ جىبەرەمىز دەپ قورقىتقان.
جاريالانعان ۆيدەودا ستۋدەنتتەر مەن جاتاقحانا قىزمەتكەرلەرى اراسىنداعى ءسوز تالاسى كورىنەدى. قىزدار ەرلەر بولمەلەرىن تازالاۋعا مىندەتتى ەمەستىكتەرىن ايتىپ، تالاپتى ورىنداۋدان باس تارتقان.
بۇل تۋرالى Infohub.kz اقپارات اگەنتتىگى حابارلايدى.
تۇركىستان وبلىسى ءبىلىم باسقارماسىنىڭ جاۋابى
تۇركىستان وبلىسى ءبىلىم باسقارماسى بۇل جاعدايعا قاتىستى پىكىر ءبىلدىرىپ، وقيعانىڭ باقىلاۋعا الىنعانىن، ارنايى كوميسسيا قۇرىلىپ، جان-جاقتى تەكسەرۋ جۇرگىزىلگەنىن حابارلادى.
ۆەدومستۆونىڭ مالىمەتىنشە، كوللەدجدىڭ 1072 ستۋدەنتىنىڭ 80ء-ى جاتاقحانادا تۇرادى. 23-25 اقپان ارالىعىندا وتەتىن وبلىستىق سپارتاكياداعا بايلانىستى ءىس-شاراعا قاتىسۋشىلاردى ورنالاستىرۋ ءۇشىن بوس بولمەلەردى رەتكە كەلتىرۋ قاجەتتىلىگى تۋىنداعان. ەر ستۋدەنتتەر بولماعاندىقتان، بۇل ءوتىنىش قىزدارعا ايتىلعان.
ناتيجەسىندە، باسقارمانىڭ اتاپ وتۋىنشە، ستۋدەنتتەر اراسىندا تۇسىنىسپەۋشىلىك بولعان.
الداعى شارالار
«قازىرگى ۋاقىتتا ستۋدەنتتەرمەن جانە ولاردىڭ اتا-انالارىمەن ءتۇسىندىرۋ جۇمىستارى جۇرگىزىلۋدە. ءبىلىم باسقارماسى ستۋدەنتتەردىڭ قۇقىقتارىن، زاڭدى مۇددەلەرىن جانە قاۋىپسىزدىگىن قامتاماسىز ەتۋگە باسىمدىق بەرەدى. بۇدان بىلاي مۇنداي جاعدايلاردىڭ الدىن الۋ جانە ىشكى باقىلاۋدى كۇشەيتۋ بويىنشا قوسىمشا شارالار قابىلداندى»، - دەلىنگەن باسقارمانىڭ مالىمدەمەسىندە.
تەكسەرىس قورىتىندىسى بويىنشا كىنالى تۇلعالارعا قۇقىقتىق باعا بەرىلىپ، ءتيىستى شەشىم قابىلدانادى.
بۇعان دەيىن 2025 جىلى قازاقستاندا شامامەن 336،4 مىڭ قالا سىرتىنان كەلگەن ستۋدەنت بولعانى، ولاردىڭ باسىم بولىگى الماتى، استانا جانە شىمكەنت قالالارىندا شوعىرلانعانى ايتىلعان ەدى. سونداي-اق، عىلىم جانە جوعارى ءبىلىم مينيسترلىگى جاتاقحانادا ورىن تاپشىلىعى 8 مىڭ ستۋدەنتكە جەتۋى مۇمكىن ەكەنىن بولجاعان.
-
وليمپيادا چەمپيونى ميحايل شايدوروۆ ءوزىنىڭ جالاقىسى تۋرالى جاريالانعان مالىمەتتەرگە قاتىستى پىكىرىن ءبىلدىرىپ، سپورتتاعى جاعدايدى باياندادى.
-
اكتيۆى يزۆەستنوگو كازاحستانسكوگو بيزنەسمەنا الەكساندرا ماشكيەۆيچا پرەتەرپەلي يزمەنەنيا پوسلە ەگو سمەرتي. ستالو يزۆەستنو، كومۋ پەرەشلا ەگو دوليا ۆ كرۋپنوي كومپانيي.
