InfoHub Logo

تۇركىستان يندۋستريالدى-تەحنيكالىق كوللەدجىنىڭ جاتاقحاناسىندا ستۋدەنت قىزداردى ەرلەر بولمەلەرى مەن دارەتحانالارىن تازالاۋعا ماجبۇرلەگەنى تۋرالى ۆيدەو الەۋمەتتىك جەلىدە جاريالاندى. ۆيدەودا جاتاقحانا كومەندانتىنىڭ قىزدارعا «سەن قىز ەمەسسىڭ بە؟» دەپ ايقايلاپ، ولاردى ەرلەر بولمەلەرىن جۋۋعا كوندىرۋگە تىرىسقانى كورىنەدى.

بۇل تۋرالى Infohub.kz اقپارات اگەنتتىگى حابارلايدى.

كومەندانتتىڭ قىزدارعا قىسىمى

ۆيدەودا جاتاقحانا كومەندانتىنىڭ ستۋدەنت قىزدارعا: «سەن كۇندە تازالامايسىڭ عوي. ەرتەڭ كوميسسيا كەلەدى، بولمەنى جۋساڭ نە بولادى؟ سەن قىز ەمەسسىڭ بە؟» دەپ ايقايلاپ جاتقانى ەستىلەدى. ول قىزداردى ەرلەر بولمەلەرى مەن دارەتحانالارىن تازالاۋعا ماجبۇرلەپ، باس تارتقان جاعدايدا جاتاقحانادان شىعارىپ جىبەرەتىنىن ايتىپ قورقىتقان.

«مەن تەك ءوزىم تۇراتىن بولمەنى عانا تازالايمىن. نەگە ءبىز جىگىتتەردىڭ بولمەلەرىن تازالاۋىمىز كەرەك؟ جىگىتتەر كەلگەندە وزدەرى تازالاسىن»، – دەپ جاۋاپ بەرگەن قىزداردىڭ ءبىرى.

رەسمي جاۋاپ

تۇركىستان وبلىستىق ءبىلىم باسقارماسى بۇل جاعدايدى باقىلاۋعا العانىن جانە ارنايى كوميسسيا قۇرىلعانىن حابارلادى. كوللەدجدە 1072 ستۋدەنت وقيدى، ونىڭ 80ء-ى جاتاقحانادا تۇرادى. ءبىلىم باسقارماسىنىڭ مالىمەتىنشە، 23-25 اقپان ارالىعىندا وڭىردە وبلىستىق سپارتاكيادا وتەتىندىكتەن، وعان قاتىسۋشىلاردى جاتاقحاناعا ورنالاستىرۋ قاجەتتىلىگى تۋىنداعان. وسىعان بايلانىستى، بوس بولمەلەردى تازالاۋعا كومەك سۇراپ، ستۋدەنتتەرگە، سونىڭ ىشىندە قىزدارعا دا، اۋىزشا ءوتىنىش جاسالعان. جىگىتتەر ۋاقىتشا بولماعاندىقتان، قىزداردان كومەك سۇرالعان. بۇل جاعداي تۇسىنىسپەۋشىلىكتەن تۋىنداعان جانجال ەكەنى ايتىلدى.

قازىرگى ۋاقىتتا ستۋدەنتتەرمەن جانە ولاردىڭ اتا-انالارىمەن ءتۇسىندىرۋ جۇمىستارى جۇرگىزىلۋدە. ۆەدومستۆو ستۋدەنتتەردىڭ قۇقىقتارى مەن قاۋىپسىزدىگىنىڭ قامتاماسىز ەتىلەتىنىن جانە جاۋاپتى تۇلعالارعا زاڭ اياسىندا شارا قولدانىلاتىنىن اتاپ ءوتتى.