Photo: Engin Akyurt (https://www.pexels.com/@enginakyurt) / Pexels
تۇركىستانداعى قارۋلى شابۋىل: اتاستىرىلعان قىزعا تالاسقاندار وزبەكستان شەكاراسىندا ۇستالدى
تۇركىستان وبلىسىندا ءتۇن ىشىندە 18 جاستاعى جىگىتتى اكەسىنىڭ كوزىنشە اتىپ كەتكەن وقيعا بولدى. باقىتىمىزعا وراي، پنيەۆماتيكالىق تاپانشادان جاراقات العان سايرام اۋدانىنىڭ تۇرعىنى امان قالدى.
بۇل دەرەكتەردى QazaqToday.info سايتى جاريالادى.
وقيعا كەشە، ءتۇن ورتاسى اۋا بولعان. جابىرلەنۋشىنىڭ اكەسى باحرامجان شۋكۋروۆتىڭ ايتۋىنشا، 18 جاستاعى ۇلى ءسالاحادديندى سول اۋىلدىڭ جاستارى كەزدەسۋگە شاقىرعان. مۇنى ەستىگەن اكەسى ۇلىمەن بىرگە بارعان. الايدا، ولاردى بەيتانىس ادامدار توبى قورشاپ، قىسىم كورسەتكەن.
كۇدىكتىلەر وزبەكستان شەكاراسىندا ۇستالدى
«10-15 شاقتى ادام جينالىپ تۇر ەكەن. ءبىر اۋىز ءسوزسىز، مەنى قورشاپ الدى. كەيىن ماشينادان ءبىر زات الدى. دۋبينكا شىعار دەپ ويلاپ تۇرعانىمدا، ول تاپانشا بولىپ شىقتى. ماعان قاراي اتتى، ءبىراق مەن ەڭكەيىپ ۇلگەردىم. ەكىنشى رەت اتقاندا، ۇلىمنىڭ ىشىنە ءتيدى. ولار قاشىپ بارا جاتقان جەرىنەن وزبەكستان شەكاراسىندا ۇستالدى. تاڭعى ساعات 05:30-دا ارنايى جاساق ولاردى ۇستاپ اكەلدى. ال قىلمىسكەرلەردىڭ اتا-اناسى بالاسىنىڭ جاعدايىن سۇراۋعا دا كەلمەدى»، - دەيدى وقيعا كۋاسى، جابىرلەنۋشىنىڭ اكەسى.
جاراقاتتانعان جىگىتتىڭ جاعدايى تۋرالى تۇركىستان وبلىسىنىڭ دەنساۋلىق ساقتاۋ باسقارماسى حابارلادى. وق دەنە قۋىسىنا وتپەگەنى انىقتالعان. ءتيىستى مەديسينالىق كومەك كورسەتىلگەننەن كەيىن، ناۋقاس امبۋلاتوريالىق باقىلاۋعا الىنىپ، ۇيىنە جىبەرىلدى.
جابىرلەنۋشى تاراپتىڭ ايتۋىنشا، بۇل جانجال ءسالاحادديننىڭ اتاستىرىلعان قالىڭدىعىنا بايلانىستى تۋىنداعان. ولار كۇدىكتىلەر جاۋاپقا تارتىلماي قالۋى مۇمكىن دەپ الاڭدايدى، سەبەبى بۇعان دەيىن دە ادام اتىپ، جاۋاپكەرشىلىككە تارتىلماعاندار تۋرالى ەستىگەندەرىن ايتادى.
-
ۆ ۋلىتاۋسكوي وبلاستي زادەرجان مولودوي چەلوۆەك، كوتورىي پيات لەت تەرروريزيروۆال سەميۋ ۆ ينتەرنەتە، يسپولزۋيا يي دليا سوزدانيا كومپروماتا.
-
Two individuals involved in a shooting incident in Turkistan region، reportedly over a dispute concerning a betrothed woman، were detained near the Uzbek border.
