tengrinews.kz
تۇرمەدە وتىرعان ايەل شىمكەنتتە ميلليارد تەڭگە ۇرلاۋدىڭ ايلاسىن تاپتى
شىمكەنتتە ەكى كوللەدجدىڭ باسشىلارى مەن قىزمەتكەرلەرى مەملەكەتكە تيەسىلى 1،3 ميلليارد تەڭگەدەن استام قارجىنى جىمقىرعان. قارجى مونيتورينگى اگەنتتىگىنىڭ مالىمەتىنشە، قىلمىستىق سحەمانى ۇيىمداستىرعان ايەل ءۇش جىل بويى باس بوستاندىعىنان ايىرىلعان جەرىندە وتىرىپ، سىرتتاي باسشىلىق ەتكەن.
بۇل تۋرالى Infohub.kz اقپارات اگەنتتىگى حابارلايدى.
قالتالى قىلمىسكەرلەردىڭ ايلاسى
تەرگەۋ مالىمەتتەرىنە سۇيەنسەك، 2018-2023 جىلدار ارالىعىندا «وڭتۇستىك قازاقستان جوعارى مەديسينالىق كوللەدجى» ج ش س جانە «وڭتۇستىك قازاقستان گۋمانيتارلىق-قارجى كوللەدجى» ءجشس-نىڭ قۇرىلتايشىسى جالعان ستۋدەنتتەردى تىركەپ، مەملەكەتتىك ءبىلىم بەرۋ تاپسىرىسى بويىنشا قارجى العان.
ازاماتتاردى ستۋدەنت رەتىندە فورمالدى تۇردە تىركەگەنىمەن، ولار ءىس جۇزىندە ەشقانداي وقۋ پروسەسىنە قاتىسپاعان. بۇل ارقىلى مەملەكەتتىك قارجىنى، سونىڭ ىشىندە كادرلاردى قايتا دايارلاۋ باعدارلامالارىنا بولىنگەن قاراجاتتى جىمقىرعان.
قىلمىستىق سحەمانىڭ ەگجەي-تەگجەيى
قارجى مونيتورينگى اگەنتتىگىنىڭ حابارلاۋىنشا، قىلمىستىق سحەمانى جۇزەگە اسىرۋ ءۇشىن جالعان بۇيرىقتار راسىمدەلگەن، ەلەكتروندى سيفرلىق قولتاڭبالار پايدالانىلعان جانە ورىندالعان جۇمىستار تۋرالى جالعان اكتىلەر تولتىرىلعان.
سونىمەن قاتار، مەديسينالىق كوللەدجدىڭ اقىلى بولىمىندەگى كەيبىر ستۋدەنتتەردى مەملەكەت ەسەبىنەن وقيتىن ستۋدەنتتەر رەتىندە كورسەتكەن. ال «وڭتۇستىك قازاقستان گۋمانيتارلىق-قارجى كوللەدجى» مۇلدەم جۇمىس ىستەمەي، تەك بيۋدجەت قاراجاتىن الۋ ءۇشىن پايدالانىلعان.
مۇلىكتى تاركىلەۋ جانە بۇلتارتپاۋ شارالارى
مەملەكەتكە كەلتىرىلگەن جالپى شىعىن 1،3 ميلليارد تەڭگەدەن اسقان. قىلمىستىق سحەمانى ۇيىمداستىرعان ايەل ءۇش جىل بويى بۇرىن جاساعان قىلمىسى ءۇشىن سوتتالىپ، تۇرمەدە وتىرعان كەزىندە دە ءوز قىزمەتىن جالعاستىرا بەرگەن.
تەرگەۋ بارىسىندا كۇدىكتىلەر ءوز ەرىكتەرىمەن 65 ميلليون تەڭگە كولەمىندە زالالدى وتەگەن. سوت ءۇش پاتەردى (ونىڭ ىشىندە دۋبايداعى جىلجىمايتىن مۇلىك تە بار)، ءۇش تۇرعىن ءۇي مەن ءۇش اۆتوكولىكتى تاركىلەۋ تۋرالى شەشىم شىعاردى.
ەكى كۇدىكتى قاماۋعا الىنىپ، قالعان ۇشەۋىنە ەلدەن شىعۋعا تىيىم سالۋ جانە ءتيىستى مىنەز-قۇلىق تۋرالى قولحات تۇرىندە بۇلتارتپاۋ شاراسى تاڭدالدى. قىلمىستىق ءىس سوتقا جولداندى.
-
جيتەلي استانى وبەسپوكوەنى ۆوزموجنىم سنوسوم ديپلوماتيچەسكوگو گورودكا ي زاسترويكوي تەرريتوريي. چتو پلانيرۋەتسيا نا مەستە ليۋبيموگو مەستا وتدىحا گوروجان؟
-
Authorities uncover a sophisticated scheme where a woman، already imprisoned، masterminded the theft of over 1.3 billion tenge from two colleges in Shymkent.
