Photo: Ayazhan (https://www.pexels.com/@ayazhan-3173683) / Pexels
تۇرسىنبەك پەن ءمولدىر قىزدارىنىڭ سوڭعى قوڭىراۋىنا بىرگە باردى: «باقىتقا بولەدىڭ»
تانىمال ءانشى ءمولدىر مۇقانوۆا مەن ازىلكەش تۇرسىنبەك قاباتوۆتىڭ ۇلكەن قىزى ايىمنىڭ مەكتەپ ءبىتىرۋ كەشى ءوتتى. 11-سىنىپتى اياقتاعان ايىمنىڭ قۋانىشىنا ورتاق بولعان اتا-اناسى ونىڭ جەتىستىكتەرىنە ريزاشىلىعىن ءبىلدىردى.
بۇل تۋرالى Infohub.kz اقپارات اگەنتتىگى حابارلايدى.
مەكتەپ ءبىتىرۋ كەشى
ءانشى ءمولدىر مۇقانوۆا Instagram پاراقشاسىندا قىزى ايىمعا ارناپ جازبا قالدىردى. ول قىزىنىڭ مەكتەپتەگى ءاربىر ءساتىن ەسكە الىپ، ونىڭ بىلىمگە دەگەن قۇشتارلىعى مەن بەلسەندىلىگىن اتاپ ءوتتى. ايىمنىڭ مەكتەپتەگى جەتىستىكتەرى اناسىن باقىتقا بولەگەنىن ايتتى.
«اق كولگوتكي، اق بانتيك تاعىپ، اق كۇرتەشەڭدى ۇتىكتەپ، وقۋ-قۇرالدارىڭدى تۇگەندەپ، كۇندە تاڭدا وياتىپ، ەركەلەتىپ ساباعىڭا اپارعان ءار ءساتىمىز ەسىمدە. دوستارىڭ دا كوپ، بىلىمگە دە قۇشتار بولىپ، مەكتەپتىڭ دە ءار ءىس-شاراسىندا بەلسەندى قاتىسىپ، جۇلدەلى ورىندار الىپ ءجۇردىڭ. ءتاتتىم مەنىڭ، وقۋشىلىق كەزەڭىڭدى اقىلمەن، سانامەن اياقتاعانىڭ ءۇشىن، ءار جەتىستىگىڭمەن مەنى انالىق باقىتقا بولەگەنىڭ ءۇشىن راقمەت»، - دەپ جازدى ءمولدىر مۇقانوۆا.
اتا-انانىڭ قۇتتىقتاۋى
تۇرسىنبەك قاباتوۆ تا الەۋمەتتىك جەلىدە قىزىن قۇتتىقتاپ، اق تىلەگىن ارنادى. اتا-اناسى ايىمنىڭ الداعى ومىرىنە ساتتىلىك تىلەپ، ونىڭ ءارقاشان باقىتتى بولۋىن قالايتىنىن جەتكىزدى.
-
قازاقستان قارۋلى كۇشتەرىنىڭ جاس ساربازدارى اسكەري انت قابىلداپ، ەل قورعاۋعا دايىن ەكەندەرىن كورسەتتى.
-
Renowned singer Moldir Mukhanova and comedian Tursynbek Kabatov marked a significant milestone as their eldest daughter، Ayim، completed her 11th grade.
