InfoHub Logo

بىرنەشە اپتا بۇرىن الەۋمەتتىك جەلىدە تۇرسىنبەك قاباتوۆتىڭ ەكىنشى ايەلى ايماننان كەتىپ، بۇرىنعى جارى ءمولدىر مۇقانوۆاعا قايتا ورالعانى تۋرالى قاۋەسەت تارادى. بۇل سوزدەر تۇرسىنبەكتىڭ ينستاگرام پاراقشاسىنان جوعالىپ كەتكەن ايمان ەسىمدى ايەلى تۋرالى ايتىلعان پىكىرلەرگە بايلانىستى ءوربىدى. الايدا، بۇل جاڭالىققا قاتىستى Facebook جەلىسىندە تالقىلانعان پىكىرلەر مۇنىڭ ءبارى جارنامالىق ناۋقان بولۋى مۇمكىن دەگەن كۇدىك تۋدىردى.

بۇل تۋرالى Infohub.kz اقپارات اگەنتتىگى حابارلايدى.

ءجۋرناليستتىڭ پىكىرى

تانىمال جۋرناليست ءمولدىر باقىت ءوزىنىڭ Facebook پاراقشاسىندا بۇل جاعدايعا قاتىستى ويىن ءبولىستى. ونىڭ ايتۋىنشا، تۇرسىنبەك قاباتوۆتىڭ بۇرىنعى ايەلى ءمولدىر مۇقانوۆانىڭ پاراقشاسىندا بۇرىنعى سۋرەتتەرىنىڭ قايتا پايدا بولۋى، ال «ەكىنشى ايەلى» ايماننىڭ پاراقشاسىنىڭ جوعالۋى – ءبارى الداعى ۋاقىتتا شىعاتىن فيلمگە جاسالعان پيار.

«14 جىل بۇرىن باسقا ايەلمەن ءجۇرىپ كەتكەن كۇيەۋىنىڭ ارەكەتى جايلى فيلم شىعار الدىندا «كول كوسىر جىلاپ» سۇحبات بەردى. ەندى كۇيەۋىمەن قايتا «قوسىلعان». ءفيلمى شىقپاسا، ءدۇردارازدىق جاريا بولماي، ارالارىندا قالار ما ەدى؟ ءارى قاراي، جىرقىلداپ تۇك بولماعانداي ءومىر سۇرە بەرەر. پودپيسچيكتەر دە تۇك بولماعانداي جۇرە بەرە مە؟» – دەپ جازدى جۋرناليست.

ءمولدىر باقىت حالىقتى وسىلاي الداپ، پيار جاساۋدىڭ دۇرىستىعىنا دا كۇمان كەلتىردى. ول حالىقتىڭ اقكوڭىلدىگىن پايدالانىپ، ۇنەمى الداۋعا بولمايتىنىن ايتتى.

جەلى قولدانۋشىلارىنىڭ پىكىرلەرى

ءجۋرناليستتىڭ جازباسى استىنداعى پىكىرلەر دە وسى ويدى راستايدى. كوپشىلىك تۇرسىنبەك قاباتوۆتىڭ بۇل وقيعاسىنىڭ جالعان ەكەنىن سەزگەندەرىن، مۇنىڭ ءبارى ءفيلمنىڭ جارناماسى ەكەنىن ايتتى.

«تۇرسىنبەكتىڭ وقيعاسىندا وتىرىك بارى سەزىلىپ ەدى. باسقا باسقا، ەگەر شىن سولاي بولسا، اناۋ الگى جۇلقىنىپ تۇرعان «سەن تۇر، مەن اتايىن» قىزدارى اجەپتاۋىر قوزعالار ەدى مىنەز كورسەتىپ. ءبارى ءبىر قويلىمنىڭ ىشىندە جۇرگەنى اڭعارىلىپ تۇردى عوي نەگىزى. ءارى قاراي ايتا بەرسەڭ - وسەك ەندى»، – دەپ جازدى ءبىر قولدانۋشى.

«سول ايماننىڭ بارى وتىرىك تە شىعار، ءجاي كينو ءۇشىن پيار»، «سول اڭگىمە شىققاندا ايتتىم. ولار اجىراسقان جوق. ءبارى سول پيار ءۇشىن. ەلدىڭ نازارىن اۋدارۋ ءۇشىن جاسالعان» دەگەن پىكىرلەر دە ءجيى كەزدەستى.

شىنايىلىققا كۇمان

ەگەر بۇل جاعداي ءمولدىر مۇقانوۆانى جارىققا شىعارۋ ءۇشىن جاسالعان پيار بولسا، وندا «تۇرسىنبەگىم» دەپ ينستاگرامدا جۇرگەن ايماننىڭ ءوزى تۇرسىنبەك قاباتوۆتىڭ ايەلى بولماۋى دا مۇمكىن. ەگەر ول تۇرسىنبەكتىڭ شىنايى ايەلى بولسا، نەگە ولاردىڭ وتباسىلىق سۋرەتتەرى مەن ۆيدەولارى كوپشىلىككە جاريالانبايدى؟ نەگە ايمان تەك ءوزىنىڭ جارناماسىمەن شەكتەلەدى؟ تۇرسىنبەك قاباتوۆ نەگە ءوزىنىڭ «ەكىنشى ايەلىن» كوپشىلىككە كورسەتپەيدى؟ بۇل سۇراقتاردىڭ ءبارى بۇل جاعدايدىڭ تەك پيار ەكەنىن مەڭزەيدى.