InfoHub Logo

بەلگىلى ازىلكەش تۇرسىنبەك قاباتوۆتىڭ وتباسىندا ۇلكەن قۋانىش. ونىڭ ۇلكەن قىزى ادەمى تۇرسىنبەك قىزى دۋباي قالاسىنداعى بريتان ۋنيۆەرسيتەتىن ءساتتى اياقتاپ، ارحيتەكتور ماماندىعى بويىنشا ديپلوم يەگەرى اتاندى. بۇل جاعىمدى جاڭالىقتى ءمولدىر مۇقاننىڭ اپكەسى، پروديۋسەر ايگۇل تۇلكىباي قىزى جەلىدەگى پاراقشاسىندا ءبولىستى.

بۇل تۋرالى Infohub.kz اقپارات اگەنتتىگى حابارلايدى.

ۇزدىك ءبىتىردى

ايگۇل تۇلكىباي قىزىنىڭ ايتۋىنشا، ادەمى تۇرسىنبەك قىزى 5 جىل بويى ءبىلىم العان ۋنيۆەرسيتەتىن ۇزدىك باعامەن ءتامامداعان. ول ەڭبەكقور، ءبىلىمدى، سانالى جاس مامان رەتىندە حالىقارالىق دەڭگەيدەگى مامان بولىپ شىقتى.

«ءسۇيىنشى! بريتان ۋنيۆەرسيتەتىندە دۋباي قالاسىندا ارحيتەكتور ماماندىعىنا 5 جىل وقىپ، بۇگىن ديپلومىن ۇزدىك قورعادى. ەڭبەكقور، ءبىلىمدى، سانالى، وقىمىستى قىزىمىز حالىقارالىق ۇلگىدەگى مىقتى مامان بولىپ جاتىر»، - دەپ جازدى ايگۇل تۇلكىباي قىزى.

شەتەلدە وقۋدىڭ قيىندىعى

پروديۋسەر شەتەلدە ءبىلىم الۋدىڭ جاۋاپكەرشىلىگى مەن قيىندىقتارىنا دا توقتالدى. ونىڭ ايتۋىنشا، ستۋدەنتتەرگە جۇيە باسقاشا، ەمتيحان مەن سەسسياعا دايىندىق كەزىندە ۇيقىسىز تۇندەر وتەدى. ديپلومدىق جۇمىس جازۋ كەزىندە ستۋدەنتتەر ءوز الەمىنە بەرىلىپ، اينالاسىن ۇمىتىپ كەتەتىن جاعدايلار دا بولادى ەكەن.

«سىرت ەلدە، شەتەلدە وقۋ وتە جاۋاپتى، كەيدە ءقاۋىپتى. جۇيە باسقاشا، ەمتيحاندى، سەسسيانى تاپسىرۋىنا دا ۇيقىسىز تۇندەر وتكىزىپ دايىندالىپ جۇرەتىن. ديپلومدىق جۇمىسىن دا جازىپ جاتقاندا، بولەك الەم بولىپ كەتەدى ءوزى، تەك بىلىمگە كىرىسىپ، بىزدەردى تانىماي قالادى، وتە جاۋاپكەرشىلىكپەن قارايدى»، - دەپ ءبولىستى ول.

ايگۇل تۇلكىباي قىزى ادەمىگە ساتتىلىك تىلەپ، «اللا جار بولسىن وزىڭە» دەپ تىلەگىن ءبىلدىردى.